Futbol bo‘yicha Angliya chempionati 25-turidan o‘rin olgan uchrashuv bugun, 15-fevral kuni bo‘lib o‘tdi. Unda “Manchester Siti” “Nyukasl”ni qabul qilib, yirik hisobda g‘alaba qozondi.
Uchrashuvning 19-daqiqasida Edersonning uzatmasidan so‘ng Marmush hisobni ochdi. 5 daqiqa o‘tib Gundo‘g‘anning uzatmasini golga aylantirgan misrlik futbolchi dublga erishdi. 33-daqiqada Marmush Savinyo uzatgan to‘pni golga aylantirib, yarim soat ichida xet-trikka erishdi. Bo‘lim shu hisobda yakunlandi.
Ikkinchi bo‘limda “Manchester Siti” xotirjam harakat qildi. “Nyukasl” esa mehmonlar darvozasiga birorta xavfli harakat amalga oshira olmadi. 84-daqiqada Holandning ishonchli harakatidan so‘ng zaxiradan o‘yinga qo‘shilgan Jeyms hisobni yakuniy 4:0 ko‘rinishiga olib keldi.
Shu tariqa Gvardiola shogirdlari 25 turdan so‘ng ochkolari sonini 44 taga yetkazib, 4-o‘ringa ko‘tarilib oldi.
O‘yinda Abduqodir Husanov asosiy tarkibdan o‘rin oldi va uchrashuvda to‘liq harakat qildi.
“Shaharliklar” keyingi uchrashuvni 19-fevral kuni Yevropa Chempionlar Ligasi pley-off bosqichi javob o‘yinida “Real”ga qarshi o‘tkazadi. Ushbu jamoalar o‘rtasidagi dastlabki uchrashuv “qirolli klubi” foydasiga (3:2) hal bo‘lgandi.
APL
25-tur bahsi
15-fevral, shanba
“Manchester Siti” — “Nyukasl” 4:0
Gollar: 1:0 — Marmush (19, 24, 33), 2:0 — Marmush (24), 3:0 — Marmush (33), 4:0 — Makeyti (84).
“Manchester Siti”: Ederson, Gvardiol (O‘Rayli, 87), Stounz, Husanov, Lyuis, Gundo‘g‘an (Kovachich, 87), Niko Gonsales, Marmush (Doku, 76), Foden (Makati, 76), Savio, Holand (Nunesh, 88).
“Nyukasl”: Dubravka,Holl, Bern, Sher, Trippiyer (Livramento, 46), Uillok (Mayli, 46), Tonali, Bruno Gimaraes (Longstaff, 72), Gordon (Uilson, 73), Merfi, Isak (Kraft, 90).
Ogohlantirish: Gimaraes (50).
Izoh (0)