Futbol bo‘yicha Angliya chempionatining 23-turidan o‘rin olgan markaziy uchrashuv, 25-yanvar, shanba kuni bo‘lib o‘tdi. Unda “Manchester Siti” o‘z maydonida “Chelsi” jamoasi bilan kuch sinashdi.
Uchrashuvda o‘zbekistonlik Abduqodir Husanov asosiy tarkibda maydonga tushdi.
O‘yinning 2-daqiqasida Abduqodir Husanov darvozabonga to‘pni uzatishda xatoga yo‘l qo‘ydi. To‘p “Chelsi” futbolchilariga tushdi va jamoa hisobni ochdi. Gol muallifi — Madueke. 4-daqiqada Husanov londonliklar hujumini qo‘pollik bilan to‘xtatib qoldi va sariq kartochka oldi.
O‘yin tizginini o‘z qo‘liga olgan “shaharliklar” hujumlar sonini ko‘paytirdi. Birinchi bo‘lim yakunida Gvardiol hisobni tenglashtirdi. Birinchi bo‘lim shu hisobda yakunlandi.
Ikkinchi bo‘lim teng kurashlarda boshlandi. Uchrashuvning 54-daqiqasida Gvardiola Abduqodir Husanovni almashtirishga qaror qildi. Uning o‘rniga Stounz maydonga tushdi. 68-daqiqada Holand hisobni 2:1 ga yetkazdi. “Chelsi” darvozaboni to‘pga chiqishda xatoga yo‘l qo‘ydi.
Uchrashuvning 87-daqiqasida “airstokratlar”ning himoyachilaridan qocha olgan Holand Fodenni yaxshi vaziyatga chiqara oldi va Fil hisobni 3:1 ga yetkazdi. Shu tariqa Gvardiola shogirdlari markaziy uchrashuvda g‘alabani naqd qildi.
Ushbu g‘alabadan so‘ng “Manchester Siti” ochkolar sonini 41 taga yetkazib 4-o‘ringa ko‘tarildi.
APL
23-tur
25-yanvar, shanba
“Manchester Siti” — “Chelsi” 3:1
Gollar: 0:1 — Madueke (3), 1:1 — Gvardiol (42), 2:1 — Holand (68), 3:1 — Foden (87).
“Manchester Siti”: 31.Ederson Morayes, 24.Yoshko Gvardiol, 25.Manuel Akanji, 27.Mateus Nunyes, 45.Abduqodir Husanov (5.Jon Stounz, 53), 7.Omar Marmush (17.Kevin De Bryuyne, 74), 8.Mateo Kovachich, 19.Ilkay Gyundogan, 20.Bernardu Silva, 47.Fil Foden, 9.Erling Holand.
“Chelsi”: 1.Robert Sanches, 3.Mark Kukurelya, 6.Levi Koluill, 23.Trevor Chaloba, 24.Ris Jeyms (27.Malo Gusto, 73), 8.Enso Fernandes, 11.Noni Maduyeke, 19.Jeydon Sancho (7.Pedru Netu, 73), 20.Koul Palmer, 25.Moyzes Kaysedo, 15.Nikolas Jekson (18.Kristofer Nkunku, 61).
Ogohlantirishlar: A.Husanov 4, B.Silva 79, M.Kovachich 83 - L.Koluill 25, M.Kaysedo 58
Izoh (0)