Futbol bo‘yicha Angliya chempionati 25-turidan o‘rin olgan uchrashuv bugun, 15-fevral kuni bo‘lib o‘tdi. Unda “Manchester Siti” “Nyukasl”ni qabul qilib, yirik hisobda g‘alaba qozondi.
Uchrashuvda o‘zbekistonlik Abduqodir Husanov dastlabki daqiqalardan maydonga tushdi va to‘liq harakat qildi. O‘zbekiston terma jamoasi a’zosining to‘p uzatishlar aniqligi 93 % ni tashkil qildi. Sofascore nashri Husanovning o‘yinini 7 ballga baholadi.
O‘yinda xet-trik qayd etgan Marmush o‘yinning eng yaxshi o‘yinchisi deya e’tirof etildi. Statistik portal unga 9,6 ball qo‘ydi. “Shaharliklar” tarkibida harakat qilgan Doku jamoa tarkibida eng past 6,4 ballga loyiq ko‘rildi.
“Nyukasl” futbolchilari ushbu uchrashuvda biroz past baholandi. Mehmonlar tarkibida Gordon va Holl 6,7 ball olgan bo‘lsa, Bern uchrashuvdagi eng past ballga munosib ko‘rildi — 5,9.
Ushbu g‘alabadan so‘ng “shaharliklar” o‘z ochkolari sonini 44 taga yetkazib, APL turnir jadvalida 4-o‘ringa ko‘tarildi. Gvardiola shogirdlari navbatdagi uchrashuvni “Real”ga qarshi o‘tkazadi. Ushbu jamoalar o‘rtasidagi dastlabki uchrashuv “qirollik klubi”ning (3:2) g‘alabasi bilan yakunlangan.
Izoh (0)