“Manchester Siti” bosh murabbiyi Pep Gvardiola “Nyukasl”ga (4:0) qarshi bahsdan so‘ng fikrlarini bildirib o‘tdi.
“O‘yinni ko‘rib, biz qanday ekanligimizni eslab oldik. Ushbu mavsumda bunga qadar bo‘lgan o‘yinlarda bunday darajaga chiqa olmayotgandik.
Biz doimo harakatdamiz, biroq har doim ham ishlar o‘xshayvermaydi. O‘yin tempi va intensivligidan mamnunman, Niko Gonsales va Abduqodir Husanov bugun juda zo‘r o‘ynadi. YCHLga chiqishimiz uchun bunday o‘yinlarda g‘alaba qozonish kerak. Shunday o‘yin ko‘rsataylikki, muxlislarimiz uylariga xursand holda qaytishlari kerak”, – dedi Gvardiola.
“Manchester Siti” darvozaboni Ederson yangi jamoadoshlari haqida fikr bildirdi.
U jamoada yangi qiyofalarni ko‘rish yaxshiligini taʼkidladi.
“Marmush, Niko va Husanov — ularning barchasi yaxshi o‘ynashdi va bizga yordam berishdi. Ayniqsa, Husanov uchun xursandman. U yosh bo‘lishi va ingliz tilini bilmasligiga qaramay, yaxshi o‘ynadi. Abduqodir bilan gaplashish qiyin, ammo u harakat qilyapti, ingliz tili darslarini olyapti, bizni tinglayapti. Men u uchun chindan xursandman”, — deydi braziliyalik posbon.
Izoh (0)