“Manchester Siti” bosh murabbiyi Xosep Gvardiola “Nyukasl”ga qarshi bahsda to‘liq harakat qilgan o‘zbekistonlik himoyachi Abduqodir Husanov haqida fikr bildirdi.
-XzSaKGkf.png)
“Husanovga “Chelsi” klubiga qarshi o‘ynash oson bo‘lmadi. Ammo u kelajakda buyuk futbolchiga aylanishi mumkin. Bu — uning uchun, biz uchun ham juda yaxshi holat. Uning potensiali ko‘rinib turibdi.
Abduqodir Husanov birga-bir vaziyatlarda agressiv o‘ynaydi, to‘p bilan yaxshi muomala qiladi va juda yuqori tezlikka ega. U qaror qabul qilish ko‘nikmasini rivojlantirishi zarur. Bu endi yosh bilan bog‘liq masala.
Jamoaga tez moslashdi. U maydon tashqarisida tortinchoq, ko‘p gapirmaydi”, deydi ispaniyalik murabbiy matbuot anjumanida.
Ma’lumot uchun, “shaharliklar” “Nyukasl” ustidan 4:0 hisobida g‘alaba qozonib, o‘z ochkolari sonini 44 taga yetkazib oldi. Hozirda “Manchester Siti” APL turnir jadvalida 4-o‘rinda bormoqda.
Gvardiola shogirdlari navbatdagi uchrashuvni “Real”ga qarshi o‘tkazadi. Ushbu jamoalar o‘rtasidagi dastlabki uchrashuv “qirollik klubi”ning (3:2) g‘alabasi bilan yakunlangan.
Izoh (0)