O‘zbekiston prezidenti Shavkat Mirziyoyev Ummon Sultonligi tashqi ishlar vaziri Badr bin Hamad al-Busaidiy bilan uchrashuv o‘tkazgan edi. Toshkent davlat Sharqshunoslik universiteti, Sharq mamlakatlari siyosati va xalqaro munosabatlar kafedrasi professori, siyosiy fanlar doktori Sayfiddin Jo‘rayev ushbu uchrashuv xususida fikrlarini bayon etdi.
Taʼkidlanishicha, Ummon Sultonligi O‘zbekistonning davlat mustaqilligini 1991-yil dekabrda tan olgan. 1992-yil 22-aprelda mamlakatlar o‘rtasida diplomatik munosabatlar o‘rnatilgan. O‘zbekiston tashqi siyosatining Osiyo davlatlari bilan o‘zaro aloqalari kengayib bormoqda. Bu borada suhbatda O‘zbekiston Ummon munosabatlarni yangi bosqichga olib chiquvchi strategik mo‘ljallar muhokama qilindi.
Birinchidan, ikki davlat o‘rtasidagi o‘rtasidagi o‘zaro manfaatli hamkorlikni yanada kengaytirish, savdo-iqtisodiy va investitsiya-moliyaviy sohalardagi sheriklik salohiyatini barcha qirralari ishga solish, ochilmagan qirralarini topish, ro‘yobga chiqarish masalalari yangi kun tartibini keltirib chiqarmoqda.
Ikkinchidan, ikki mamlakat o‘rtasida iqtisodiy diplomatiyaning rivojlanishi va kengayishi, jumladan, tashkilotlararo va ishbilarmonlik aloqalari faollashayotganligi, tovar ayirboshlash miqdori, qo‘shma korxonalar soni ko‘payayotganligi, ikki mamlakat yetakchi kompaniyalari ishtirokidagi biznes tadbirlari muntazam tashkil etilayotganligi kuzatilmoqda.
Uchinchidan, O‘zbekiston-Ummon investitsiya kompaniyasi portfelini yangi kooperatsiya loyihalari hisobiga kengaytirishga alohida eʼtibor, shu yilning aprel oyida Hukumatlararo komissiyaning navbatdagi yig‘ilishi va qo‘shma biznes forumi o‘tkazilishi rejalashtirilgan.
To‘rtinchidan, parlament va madaniy-gumanitar diplomatiyani rivojlantirish, to‘g‘ridan-to‘g‘ri aviaqatnovni yo‘lga qo‘yish muhim vazifaga aylanmoqda.
Beshinchidan, shubhasiz uchrashuv davomida ko‘tarilgan masalalar va ularning yechimi joriy yil may oyida Samarqand shahrida o‘tkaziladigan "Markaziy Osiyo—Ko‘rfaz davlatlari" muloqotining ikkinchi sammitini o‘tkazish uchun muhim ahamiyat kasb etadi.
Izoh (0)