Avtomobillarni qayta ro‘yxatdan o‘tkazish yig‘im miqdori pasaytirilishi, Ikkinchi jahon urushi qatnashchilari va nogironlarining har biriga 20 mln so‘mdan berilishi, Farg‘onada O‘zbekiston, Qirg‘iziston va Tojikiston maxsus xizmatlari rahbarlari chegara masalasi bo‘yicha o‘tkazilgan uchrashuv — “Daryo” nashri bugun, 7-mayda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekiston Oliy sudi 198 nafar qatag‘on qurbonlari nomini oqladi
Oqlanganlar orasida O‘zbekiston SSR Oliy sudi raisi ham bor.
Kadastr sohasida korrupsiyaviy jinoyat sodir etgan 33 xodim qayta ishga kirib, yana shu kabi jinoyatlarga qo‘l urdi
Mansab mavqeyini suiisteʼmol qilish yo‘li bilan talon-toroj qilish jinoyatlari turli xildagi korrupsiyaviy sxemalar asosida amalga oshirilgan.
O‘zbekistonda sifatli ta’limda ijobiy natijalar ko‘rsatayotgan maktablar rahbariyati va o‘qituvchilariga ustama beriladi
Rahbariyati va o‘quvchilari rag‘batlantirishga tavsiya etilgan maktablar ro‘yxati har o‘quv yili yakunida e’lon qilinadi.
O‘zbekistonda Ikkinchi jahon urushi qatnashchilari va nogironlarining har biriga 20 mln so‘mdan beriladi
Bu bilan bog‘liq sarf-xarajatlar respublika byudjeti mablag‘lari hisobidan amalga oshiriladi.
Toshkent—Samarqand yo‘nalishida qo‘shimcha “Afrosiyob” poyezdlari qatnovi yo‘lga qo‘yiladi
Elektropoyezdlar qo‘shimcha qatnovlarni 10, 11, 12-may kunlari amalga oshiradi.
O‘zbekistonda avtomobillarni qayta ro‘yxatdan o‘tkazish yig‘im miqdori pasaytirildi
Qayta ro‘yxatdan o‘tkazish stavkasi endilikda yana BHMning 10 foizini tashkil etadi.
Farg‘onada O‘zbekiston, Qirg‘iziston va Tojikiston maxsus xizmatlari rahbarlari chegara masalasi bo‘yicha uchrashdi
Tomonlar qirg‘iz-tojik chegaralarini delimitatsiya qilish va o‘zbek-qirg‘iz davlat chegaralarini demarkatsiya qilish bo‘yicha kelishuvlarga erishdi.
O‘zbekistonda xo‘jalik yurituvchi subyektlarni majburiy tarzda bo‘lish yoki ajratib chiqarish tartibi belgilandi
Hujjat tovar yoki moliya bozorida ustun mavqeni egallab turgan xo‘jalik yurituvchi subyektlarga tatbiq etiladi.
Shavkat Mirziyoyev beshta davlat elchilaridan ishonch yorliqlarini qabul qildi (foto)
Prezident Vengriya, Eron, Chexiya, Ummon va Jazoirning yangi tayinlangan elchilarini tabriklab, faoliyatida muvaffaqiyatlar tiladi.
Toshkent viloyatida Vengriya va Yevropa kompaniyalarining loyihalari uchun maxsus iqtisodiy zona ishga tushiriladi
Shavkat Mirziyoyev Vengriya tashqi ishlar va savdo vaziri Peter Siyyartoni qabul qildi.
UzAutoMotors 8-may kuni Lacetti avtomobiliga shartnoma ochilishini eʼlon qildi
Avtomobil narxi o‘zgarishsiz qoladi.
Namanganda kreditdan 306 mln so‘m qarzi bo‘lgan shaxsning avtomashinasi jarima maydonchasiga joylashtirildi
MIB Namangan viloyati boshqarmasi qidiruv sho‘basi xodimlari tezkor tadbirlar olib bormoqda.
Shavkat Mirziyoyev Moskvada Ikkinchi jahon urushidagi g‘alabaning 79 yilligiga bag‘ishlangan tadbirda ishtirok etadi
Tashrif doirasida qator ikki tomonlama uchrashuvlar o‘tkazilishi ham rejalashtirilgan.
Izoh (0)