Ўзбекистон президенти Шавкат Мирзиёев Уммон Султонлиги ташқи ишлар вазири Бадр бин Ҳамад ал-Бусаидий билан учрашув ўтказган эди. Тошкент давлат Шарқшунослик университети, Шарқ мамлакатлари сиёсати ва халқаро муносабатлар кафедраси профессори, сиёсий фанлар доктори Сайфиддин Жўраев ушбу учрашув хусусида фикрларини баён этди.
Таъкидланишича, Уммон Султонлиги Ўзбекистоннинг давлат мустақиллигини 1991 йил декабрда тан олган. 1992 йил 22 апрелда мамлакатлар ўртасида дипломатик муносабатлар ўрнатилган. Ўзбекистон ташқи сиёсатининг Осиё давлатлари билан ўзаро алоқалари кенгайиб бормоқда. Бу борада суҳбатда Ўзбекистон Уммон муносабатларни янги босқичга олиб чиқувчи стратегик мўлжаллар муҳокама қилинди.
Биринчидан, икки давлат ўртасидаги ўртасидаги ўзаро манфаатли ҳамкорликни янада кенгайтириш, савдо-иқтисодий ва инвестиция-молиявий соҳалардаги шериклик салоҳиятини барча қирралари ишга солиш, очилмаган қирраларини топиш, рўёбга чиқариш масалалари янги кун тартибини келтириб чиқармоқда.
Иккинчидан, икки мамлакат ўртасида иқтисодий дипломатиянинг ривожланиши ва кенгайиши, жумладан, ташкилотлараро ва ишбилармонлик алоқалари фаоллашаётганлиги, товар айирбошлаш миқдори, қўшма корхоналар сони кўпаяётганлиги, икки мамлакат етакчи компаниялари иштирокидаги бизнес тадбирлари мунтазам ташкил этилаётганлиги кузатилмоқда.
Учинчидан, Ўзбекистон-Уммон инвестиция компанияси портфелини янги кооперация лойиҳалари ҳисобига кенгайтиришга алоҳида эътибор, шу йилнинг апрель ойида Ҳукуматлараро комиссиянинг навбатдаги йиғилиши ва қўшма бизнес форуми ўтказилиши режалаштирилган.
Тўртинчидан, парламент ва маданий-гуманитар дипломатияни ривожлантириш, тўғридан-тўғри авиақатновни йўлга қўйиш муҳим вазифага айланмоқда.
Бешинчидан, шубҳасиз учрашув давомида кўтарилган масалалар ва уларнинг ечими жорий йил май ойида Самарқанд шаҳрида ўтказиладиган "Марказий Осиё—Кўрфаз давлатлари" мулоқотининг иккинчи саммитини ўтказиш учун муҳим аҳамият касб этади.
Изоҳ (0)