Samarqand viloyati Bulung‘ur tumanida joylashgan “Yuqori nuqta” postida veterinariya-sanitariya talablariga javob bermaydigan go‘sht mahsulotlari to‘xtatib qolindi. Bu haqda IIV YHXX axborot xizmati xabar berdi.
Qayd etilishicha, Isuzu yuk mashinasi YPX hamda Davlat veterinariya xizmati xodimlari tomonidan to‘xtatilib, tekshirilgan.
Tekshiruv davomida transportning yuk bo‘limida veterinariya-sanitariya talablariga javob bermaydigan 4,9 ming kilogramm go‘sht mahsulotlari borligi aniqlangan.
Go‘sht mahsulotlarining isteʼmolga yaroqliligini tekshirish uchun Bulung‘ur tumani hayvonlar kasalliklari diagnostikasi va oziq-ovqat xavfsizligi davlat markaziga ekspertizadan o‘tkazish uchun yuborilgan.
Iste’molga yaroqsiz go‘shtlar
Avgust oyining boshida Samarqandda Isuzu yuk mashinasida Toshkentga olib ketilayotgan 1 tonnadan ortiq iste’molga yaroqsiz go‘sht to‘xtatib qolingandi. Toshkentdagi bozorda iste’molga yaroqsiz go‘sht mahsulotlari sotilayotgani aniqlangani, Toshkentda sotish uchun isteʼmolga yaroqsiz go‘sht olib ketayotgan yana bir kishi to‘xtatib qolingani, Urgut tumanida 500 kg isteʼmolga yaroqsiz go‘sht mahsulotlari yo‘q qilingani to‘g‘risida xabar berilgandi.
Izoh (0)