Farg‘ona viloyati bozorlarida iste’molga yaroqsiz bo‘lgan 2388 kilogramm mahsulotlar savdosiga chek qo‘yildi. Bu haqda Sanepidqo‘mita axborot xizmati xabar berdi.
Unga ko‘ra, Sanitariya-epidemiologik osoyishtalik va jamoat salomatligi Farg‘ona viloyat boshqarmasi mutaxassislari tomonidan 2023-yil davomida viloyatdagi dehqon bozorlarida sotilayotgan oziq-ovqat mahsulotlarining sifati, xavfsizligi, ishlab chiqarilgan sanasi, yaroqlilik muddatlari, saqlanish holati yuzasidan muntazam ravishda reyd tadbirlari amalga oshirildi.
Ushbu davr mobaynida aholi o‘rtasida botulizm va boshqa ovqatdan zaharlanish holatlarining oldini olish maqsadida iste’molga yaroqsiz
- 278 kg go‘sht va go‘sht mahsulotlari;
- 56 kg spirtli va salqin ichimliklar;
- 508 kg konserva mahsulotlari;
- 467 kg osh tuzi;
- 1079 kg boshqa turdagi mahsulotlar savdosiga chek qo‘yildi.
Izoh (0)