Ukraina prezidenti Vladimir Zelenskiy AQSHga Ukraina mineral zaxiralarining 50 foizini olish huquqini beruvchi kelishuvni imzolashdan bosh tortdi.
Bu haqda Washington Post (WP) gazetasi sharhlovchisi Josh Rogin ma’lum qildi.
“Myunxendagi bir qancha deputatlar menga AQSH Kongressi delegatsiyasi Zelenskiy imzolashi kerak bo‘lgan hujjatni berganini, bu hujjat AQSHga Ukrainaning bo‘lajak mineral zaxiralarining 50 foizini olish huquqini berishini aytdi”, dedi jurnalist.
Reuters agentligining xabariga ko‘ra, Ukraina prezidenti bu hujjatlarni imzolashdan bosh tortgan.
“Zelenskiy, shuningdek, AQSH vakillari bilan Ukraina konstitutsiyasiga muvofiq tayyorlangan tog‘-kon bo‘yicha kelishuv bo‘yicha o‘z taklifini muhokama qildi”, deya taʼkidladi Reuters.
AQSH senatori Brayan Shats Myunxenda Vladimir Zelenskiy bilan uchrashuvdan so‘ng AQSH prezidenti Donald Trampning taklifini “yaxshilash zarurligini” aytdi, biroq tafsilotlar haqida gapirishdan bosh tortdi. U, shuningdek, Zelenskiyning “kelishuvning bir tomonlamaligi haqidagi da’volari adolatli ekanini aytdi.
Izoh (0)