Ukrainaning Milliy xavfsizlik va mudofaa kengashi sobiq prezident va Oliy Rada deputati Pyotr Poroshenkoga qarshi sanksiyalar kiritdi. Bu haqda mabalarga tayanib, Forbes Ukraine xabar berdi.
Manbalardan biriga ko‘ra, Poroshenko davlatga xiyonatda ayblangan bo‘lishi mumkin. Ukraina prezidenti Vladimir Zelenskiy sanksiyalar to‘g‘risidagi qaror 13-fevral kuni e’lon qilinishini aytdi.
Ukraina milliy xavfsizligiga putur yetkazgan va Rossiyaga ko‘maklashgan har bir kishi javobgarlikka tortilishi shart. Aslida Ukrainani, uning manfaatlarini va xavfsizligini sotish orqali topilgan milliardlar muzlatilishi hamda Ukraina va xaqni himoya qilish uchun xizmat qilishi lozim, degan u.
Poroshenko munosabati
Ukraina sobiq prezidenti unga qarshi sanksiyalar kiritilishini “konstitutsiyaga zid, siyosiy asoslangan qaror” deb atadi. U bunday qarorning ehtimoliy salbiy oqibatlari uchun Zelenskiy javobgar bo‘lishini aytdi.
Kuni kecha xorijga xizmat safaridan qaytib keldim, garchi hamma meni hokimiyat “aqldan ozgani”, sanksiyalar va yangi shubhalar haqida ogohlantirgani, chet elda qolganim ma’qulligi to‘g‘risida aytgan bo‘lsa-da. Bu juda yomon dejavyu: katta bosqindan bir necha hafta oldin hokimiyat Poroshenko qo‘lida edi. Katta urushning uch yilidan so‘ng, aqlliroq bo‘lishlari kerak bo‘lganda ham o‘sha ahvol, deb yozdi u.
2023-yil dekabr oyida Pyotr Poroshenko uni chet elga xizmat safariga chiqarmaganliklarini aytgandi. Ukraina Xavfsizlik xizmati Poroshenko Vengriya bosh vaziri Viktor Orban bilan uchrashishni rejalashtirgani, Rossiya esa bu uchrashuvdan Ukrainaga qarshi foydalanmoqchi bo‘lganini bildirgandi.
Izoh (0)