Украина президенти Владимир Зеленский АҚШга Украина минерал захираларининг 50 фоизини олиш ҳуқуқини берувчи келишувни имзолашдан бош тортди.
Бу ҳақда Washington Post (WP) газетаси шарҳловчиси Жош Рогин маълум қилди.
“Мюнхендаги бир қанча депутатлар менга АҚШ Конгресси делегацияси Зеленский имзолаши керак бўлган ҳужжатни берганини, бу ҳужжат АҚШга Украинанинг бўлажак минерал захираларининг 50 фоизини олиш ҳуқуқини беришини айтди”, деди журналист.
Reuters агентлигининг хабарига кўра, Украина президенти бу ҳужжатларни имзолашдан бош тортган.
“Зеленский, шунингдек, АҚШ вакиллари билан Украина конституциясига мувофиқ тайёрланган тоғ-кон бўйича келишув бўйича ўз таклифини муҳокама қилди”, дея таъкидлади Reuters.
АҚШ сенатори Брайан Шац Мюнхенда Владимир Зеленский билан учрашувдан сўнг АҚШ президенти Дональд Трампнинг таклифини “яхшилаш зарурлигини” айтди, бироқ тафсилотлар ҳақида гапиришдан бош тортди. У, шунингдек, Зеленскийнинг “келишувнинг бир томонламалиги ҳақидаги даъволари адолатли эканини айтди.
Изоҳ (0)