Ukraina bo‘yicha Yevropasiz tuzilgan har qanday tinchlik kelishuvi “muvaffaqiyatsizlikka uchraydi”. Bu haqda Yevroittifoq diplomatiyasi rahbari Kaya Kallas ma’lum qildi.
Kallas 13-fevral kuni Bryusselda NATO davlatlari mudofaa vazirlari uchrashuvida ishtirok etdi.
Bizsiz tuzilgan har qanday kelishuv muvaffaqiyatsizlikka uchraydi, chunki Yevropa va Ukraina ham uni bajarishi shart. Har qanday shoshilinch qaror — iflos bitim... Bu qotilliklarni to‘xtata olmaydi, urushni to‘xtata olmaydi, dedi Kallas.
“Keng qamrovli mojarodan qochish kerak”
Siyosatchi, shuningdek, Ukraina atrofidagi hozirgi vaziyat bilan 1938-yildagi Chexoslovakiyaga quroliy yordam zarur bo‘lgan “Myunxen bitimi” o‘rtasidagi o‘xshashliklarni ta’kidladi.
Hozir biz ham keng ko‘lamli mojaroning oldini olish uchun Ukrainaga tajovuzdan himoyalanishda yordam berishimiz kerak, dedi Kallas.
Bryusseldagi muzokaralarda Ukraina mudofaa vaziri Rustem Umerov, shuningdek, AQSH va Germaniya mudofaa idoralari rahbarlari Pit Xegset va Boris Pistorius ishtirok etdi. Kallas Ukraina mudofaa vaziri bilan uchrashdi.
Agar Ukraina qarshilik ko‘rsatishga qaror qilsa, Yevropa Ukrainani qo‘llab-quvvatlaydi, deya ta’kidladi u.
Kallas Yevropa ittifoqi ham amal qiladigan suverenitet va hududiy yaxlitlik tamoyillari haqida gap ketayotganini qo‘shimcha qildi.
“Myunxen bitimi”
1938-yil 30-sentyabrda Myunxenda Buyuk Britaniya bosh vaziri Nevill Chemberlen, Fransiya bosh vaziri Eduard Dalade, Italiya rahbari Benito Mussolini va Germaniyasi rahbari Adolf Gitler tomonidan imzolangan shartnomada Sudet viloyatining Germaniyaga qo‘shilishi belgilab qo‘yildi.
30-sentyabrgacha mazkur viloyat tarkibiga kirgan Chexoslovakiya imzolash marosimiga taklif etilmadi. Bu kelishuv tarixga “Myunxen bitimi” nomi bilan kirdi.
G‘arb tarixchilarining ko‘pchiligi ingliz va fransuz siyosatchilari butun Yevropani qamrab olishi mumkin bo‘lgan urushdan qo‘rqib, Gitler Chexoslovakiya hududining bir qismini qo‘lga kiritgach tinchlanishiga umid qilib, “tinchlashtirish siyosati”ni olib borishga urgan, degan fikrni qo‘llab-quvvatlaydi.
Izoh (0)