Samarqand viloyatining Tayloq tumanidagi ikkita novvoyxonada jami 1,5 mlrd so‘mlik gazdan noqonuniy foydalanildi. Bu haqda Bosh prokuratura matbuot xizmati xabar berdi.
Maʼlum qilinishicha, tumandagi “E.L” xususiy korxonasi rahbari Sh.L. va “Hududgaztaʼminot” AJ Toyloq tuman bo‘limi xodimi D.Yu. oldindan til biriktirib, korxonaga qarashli novvoyxonani tarmoqqa o‘zboshimchalik bilan ulagan. Natijada 760 mln so‘mlik tabiiy gaz talon-toroj qilingan.
Shuningdek, “S.Sh” oilaviy korxonasi rahbari M.H. korxonaga qarashli novvoyxonani gaz tarmog‘iga noqonuniy tarzda ulashi oqibatida 767 mln so‘mlik tabiiy gazni o‘g‘irlik yo‘li bilan talon-toroj qilgan.
Holat bo‘yicha Jinoyat kodeksining 169-moddasi 4-qismi “a” bandi (o‘g‘rilik juda ko‘p miqdorda) bilan jinoyat ishlari qo‘zg‘atilib, Sh.L., D.Yu. va M.H.lar protsessual tartibda ushlangan.
Samarqanddagi novvoyxonada 621 mln so‘mlik gazdan noqonuniy foydalanildi.
Izoh (0)