Namangan va Samarqandda 2,1 mlrd so‘mlik tabiiy gazdan noqonuniy foydalanildi
Namangan va Samarqand viloyatlarida 2,1 milliard so‘mlik tabiiy gazdan noqonuniy foydalanilganligi aniqlandi, deb xabar berdi Energetika vazirligi matbuot xizmati.
Foto: Energetika vazirligi matbuot xizmati
Maʼlum qilinishicha, Namangan shahrida fuqaro Z.R. o‘zining yashash xonadonida novvoyxona tashkil etib, tabiiy gaz tarmog‘iga tijorat maqsadida o‘zboshimchalik bilan ulangan. Hisob-kitoblarga ko‘ra, u faoliyati davomida davlat manfaatlariga 362,5 mln so‘mlik zarar yetkazgan.
Foto: Energetika vazirligi matbuot xizmati
Shuningdek, Samarqand viloyatining Tayloq tumanidagi “S.Sh“ oilaviy korxonasiga qarashli novvoyxonada ham tabiiy gaz tarmog‘iga o‘zboshimchalik bilan ulanilgan. Oqibatda 1,3 mlrd so‘mlik tabiiy gaz talon-toroj qilingan.
Foto: Energetika vazirligi matbuot xizmati
Bundan tashqari, Past Darg‘om tumanida yashovchi fuqaro A.M. ham o‘z xonadonida noqonuniy issiqxona tashkil qilib, tabiiy gaz tarmog‘iga yashirincha ulangan. Natijada davlat manfaatlariga 462,7 mln so‘mlik zarar yetkazgan.
Foto: Energetika vazirligi matbuot xizmati
Hozirgi vaqtda mazkur holatlar bo‘yicha tegishli idoralar tomonidan tergovga qadar tekshiruv harakatlari olib borilmoqda.
Foto: Energetika vazirligi matbuot xizmati
Gazdan noqonuniy foydalangan novvoyxonalar
Avvalroq Namangandagi novvoyxonada 273 mln so‘mlik tabiiy gazdan noqonuniy foydalanilgani aniqlangan edi. Shuningdek, Jizzaxda qariyb 700 mln so‘mlik gazdan noqonuniy foydalangan novvoyxona aniqlangan.
Bundan tashqari, Farg‘ona viloyatida 5 ta novvoyxona tomonidan 771 mln so‘mdan ziyod tabiiy gazdan noqonuniy foydalanish holatlari aniqlangandi.
Shu bilan birga, Urganch tumanida 2 milliard so‘mdan ziyod tabiiy gazdan noqonuniy foydalangan MCHJ aniqlandi. Samarqanddagi novvoyxonada 621 mln so‘mlik gazdan noqonuniy foydalanildi.
Gazni o‘g‘irlayotgan issiqxonalar
Toshkent viloyatida 618,4 million so‘mlik tabiiy gazdan noqonuniy foydalangan issiqxona aniqlangandi. Shuningdek, Samarqandda 1 milliard so‘mlik tabiiy gazdan noqonuniy foydalangan ikkita issiqxona fosh bo‘lgani to‘g‘risida xabar berilgandi.
Bundan tashqari, Toshkentda 590 mln so‘mlik gazdan noqonuniy foydalangan issiqxona aniqlangan. Keyinroq esa Namanganda issiqxonada milliardlab so‘mlik tabiiy gazdan noqonuniy foydalanilgan.
Izoh (0)