O‘zbekistonda 2025-yilning yanvar oyida qiymati 17 mlrd 411,3 mln so‘mlik “svet”dan noqonuniy foydalanildi. Bu haqda “Hududiy elektr tarmoqlari” AJ xabar berdi.
Maʼlum qilinishicha, bu 10 mln 051 ming 619 kVt soat elektr energiyasi degani.
Qayd etilishicha, to‘plangan materiallar yuzasidan qayta hisob-kitob qilinib, hujjatlar huquqni muhofaza qiluvchi organlarga yuborilgan.
5-yanvar kuni Qashqadaryoning ikki hududida qariyb 700 mln so‘mlik “svet”dan noqonuniy foydalanilgani haqida xabar berilgandi. 12-yanvar kuni esa Namangandagi sutni qayta ishlash sexida 2,1 mlrd so‘mlik “svet”dan noqonuniy foydalanilgani aytilgandi.
13-yanvarda esa Namangan va Andijonda qariyb 3 mlrd so‘mlik “svet”dan noqonuniy foydalanish holatlari aniqlangandi. 16-yanvarda Jizzax viloyatining Yangiobod, Toshkent viloyatining Zangiota, Qoraqalpog‘iston Respublikasining Beruniy va Toshkent shahrining Uchtepa tumanida energiya resurslaridan noqonuniy foydalanish holatlari fosh etilgan edi.
Izoh (0)