“O‘zenergoinspeksiya” tomonidan 2024-yil davomida o‘tkazilgan nazorat tadbirlarida 8 289 ta tabiiy gaz va elektr energiyasidan noqonuniy foydalanish holatlari aniqlandi. Bu haqda inspeksiya matbuot xizmati xabar berdi.
Ma’lum qilinishicha, mazkur noqonuniy foydalanishlar natijasida davlat manfaatlariga jami 1 trln 409 mlrd so‘m zarar yetkazilgan.
Unga ko‘ra, elektr energiyasi bo‘yicha 730,1 mlrd so‘m (91 ta mayning, 184 ta AGTKSH, 1 422 ta suv nasosi) va tabiiy gaz bo‘yicha 679,1 mlrd so‘mlik ( 57 ta AGTKSH, 64 ta issiqxona, 5 ta ohak sexi) energiya resurslari talon-toroj qilingani ma’lum bo‘ldi.
O‘rganishlar davomida qoidabuzarlikka yo‘l qo‘ygan 51 ta avtomobillarga gaz to‘ldirish kompressor shoxobchasining litsenziyasi bekor qilindi.
Shuningdek, iste’molchilar tomonidan energiya resurslaridan foydalanish qoidalarini buzish bilan bog‘liq huquqbuzarliklar bo‘yicha 9 084 ta ma’muriy ish rasmiylashtirildi.
Neft mahsulotlari bo‘yicha olib borilgan sifat nazorati tadbirlarida AYQSH va korxonalardan olingan tahlil na’munalaridan 189 ta holatda 5 mln 348 ming litr neft mahsuloti sifasizligi aniqlanib, sotuvga chiqarilishi oldi olindi.
Yoqilg‘i-energiya resurslaridan samarali va oqilona foydalanish bo‘yicha 47 ming 396 ta iste’molchilarga profilaktika tadbiri o‘tkazildi.
Izoh (0)