Ўзбекистонда 2025 йилнинг январь ойида қиймати 17 млрд 411,3 млн сўмлик “свет”дан ноқонуний фойдаланилди. Бу ҳақда “Ҳудудий электр тармоқлари” АЖ хабар берди.
Маълум қилинишича, бу 10 млн 051 минг 619 кВт соат электр энергияси дегани.
Қайд этилишича, тўпланган материаллар юзасидан қайта ҳисоб-китоб қилиниб, ҳужжатлар ҳуқуқни муҳофаза қилувчи органларга юборилган.
5 январь куни Қашқадарёнинг икки ҳудудида қарийб 700 млн сўмлик “свет”дан ноқонуний фойдаланилгани ҳақида хабар берилганди. 12 январь куни эса Намангандаги сутни қайта ишлаш цехида 2,1 млрд сўмлик “свет”дан ноқонуний фойдаланилгани айтилганди.
13 январда эса Наманган ва Андижонда қарийб 3 млрд сўмлик “свет”дан ноқонуний фойдаланиш ҳолатлари аниқланганди. 16 январда Жиззах вилоятининг Янгиобод, Тошкент вилоятининг Зангиота, Қорақалпоғистон Республикасининг Беруний ва Тошкент шаҳрининг Учтепа туманида энергия ресурсларидан ноқонуний фойдаланиш ҳолатлари фош этилган эди.
Изоҳ (0)