Serial va filmlardagi mehmonxonalar barchasi ham iste’dodli dekoratorlarning mehnat mahsuli emas. Ularning ko‘pchiligi haqiqatda ham mavjud. Quyida sevimli film qahramonlari tashrif buyurgan va eng ko‘p muhokama qilinadigan hashamatli mehmonxonalar ro‘yxatini to‘pladik.
“Taxtlar o‘yini” serialidagi Excelsior mehmonxonasi
Hotel Excelsior — Xorvatiyaning Dubrovnik shahridagi nufuzli 5 yulduzli mehmonxona bo‘lib, 1913-yilda qurilgan tarixiy villa va zamonaviy binolardan iborat. Mehmonxona UNESCO merosi ro‘yxatiga kiritilgan Eski shahar devorlaridan atigi 5 daqiqalik piyoda masofada joylashgan.
Mehmonxonada 158 ta zamonaviy jihozlangan xonalar mavjud bo‘lib, ularning ko‘pchiligi balkon va dengiz manzarasiga ega. Shuningdek, 850 kvadrat metr maydonga ega hashamatli spa markazi, yopiq basseyn, sauna va fitnes markazi mehmonlar xizmatida. Mehmonxonada uchta restoran faoliyat ko‘rsatadi.
Hotel Excelsior’da qirolicha Yelizaveta II, Richard Burton, Elizabet Teylor kabi mashhurlar mehmon bo‘lgan.
Bir xonada yashash narxi kuniga 180 AQSH dollaridan boshlanadi.
“Oq nilufar” serialidagi Four Seasons Hotel San Domenico Palace mehmonxonasi
“Oq nilufar” seriali qimmat kurortga kelgan boylarning fitnalari va muammolariga to‘la. Syujetga ko‘ra, bir haftalik ta’tilga bir nechta g‘alati millionerlar Gavayining elita mehmonxonasiga kelishadi. Dam olish va kundalik tashvishlarni unutmoqchi bo‘lgan ushbu qahramonlarni hafsalasi pir bo‘ladi: bir me’yordagi dam olish mehmonlardan birining sirli o‘limi bilan keskin tus oladi.
Four Seasons Hotel Italiyadagi Sitsiliya orolining Taormina shahridagi hashamatli 5 yulduzli mehmonxonadir. U 14-asrda qurilgan Dominikan monastiri binosida joylashgan bo‘lib, 2021-yilda to‘liq ta’mirdan so‘ng Four Seasons tarmog‘i ostida qayta ochilgan.
Mehmonxona dengizi sohilidagi qoyada joylashgan bo‘lib, Etna vulqoni va qadimiy yunon teatriga panoramali manzaralarni taqdim etadi.
Bir kishilik xonaning kunlik narxi 1500 AQSH dollaridan boshlanadi.
“Qinidan chiqqan pichoqlar-2” filmidagi Villa 20 kompleksi
Hashamatli kompleks 18 kishigacha bo‘lgan katta oilalar va guruhlar uchun mo‘ljallangan. Mehmonlarga qulaylik yaratish uchun to‘qqizta yotoqxona (uchtasi ulkan lyuks variantda), xususiy plyaj, xususiy sport zali va kurort, oltita basseyn, beshta oshxona, shuningdek, qorong‘u tushgandan keyin yig‘ilishlar uchun maxsus taverna mavjud.
Mehmonxonaning bir kechalik narxi 38 ming AQSH dollaridan boshlanadi.
“Uddalab bo‘lmas topshiriq-8” filmidagi Funken Lodge butik mehmonxonasi
Norvegiyaning Svalbard arxipelagidagi Longyir shahrida joylashgan butik mehmonxona bo‘lib, shaharning eng yuqori qismida, Haugen tepaligida joylashgan. Mehmonxona shahar va uning yaqin atrofidagi muzliklarining ajoyib manzaralarini taqdim etadi.
Mehmonxonada 88 ta zamonaviy jihozlangan xona va lyuks xonalar mavjud bo‘lib, har birida qahva mashinasi va xalatlar taqdim etiladi. Nonushta har doim kunlik ijara narxiga kiritilgan bo‘lib, restoranlar kun bo‘yi xizmat ko‘rsatadi. Bu maskan dunyoning eng shimoliy qismidagi aholi punktidagi yagona mehmonxona hisoblanadi.
3300 AQSH dollari — bu pulga bir kishi uchun to‘rt kunlik turar joy, shahargacha parvoz va transfer xizmati kiritilgan.
“Jahon urushi Z” filmidagi Domus Zamittello mehmonxonasi
Maltaning poytaxti Vallettaning markazida joylashgan hashamatli butik mehmonxona 1580-yilda qurilgan bo‘lib, 17-asrga tegishli saroy hududida joylashgan. Hozirda u o‘zining tarixiy ahamiyatini saqlab qolgan holda zamonaviy qulayliklarni taqdim etadi.
Bir kishilik xonaning bir kunlik narxi 250 AQSH dollaridan boshlanadi.
Izoh (0)