Ushbu yaxtalari shunchalik kattaki, ularda milliarder xohlagan hamma narsani sig‘dirish mumkin: konsert zallaridan tortib O‘rta Yer dengizi bog‘larigacha, golf maydonlaridan tortib plyaj klublarigacha.
1. Azzam — 180,6 m
Eksteryer dizayner Mario Pedol nafis va noodatiy dizayn yaratib, mazkur yaxtaning tezligiga urg‘u berishga harakat qilgan. 36 nafar mehmon (80 nafar ekipaj bilan birga) sport zalida, basseynda yoki golf maydonchasida mashq qilishlari va o‘lchami 29 metrga 18 metr bo‘lgan asosiy zalda dam olishlari mumkin.
2. Eclips — 162,5 m
Roman Abramovichning superyaxtalar floti gavharlari Sent-Bartelemidan Nyu Yorkka ajoyib sayohatlar amalga oshiradi. Quyidagi yaxtaning interyeri va jihozlari haqida ma’lumotlar kam. Ammo shular ma’lumki, yaxtada konsert zali, uchta oshxona, kinoteatr, vino yerto‘lasi, ikkita suzish havzasi bor, ulardan birini raqs maydonchasiga aylantirish mumkinligi aniq. Bundan tashqari, mazkur yaxsta 2 ta vertolyot, 4 ta qayiq, 20 ta skuter va 12 ta o‘rindiqli suvosti kemasini o‘z ichiga oladi.
3. Dubay — 162 m
Yaxta dastlab Endryu Vinch tomonidan Bruney shahzodasi Jefri Bolkiya uchun ishlab chiqilgan. Hozirgi egasi — Shayx Muhammad bin Rashid al Maktum, Dubay amirligi hukmdori va Birlashgan Arab Amirliklari bosh vaziri hisoblanadi. Yaxta 24 yo‘lovchi va 88 ekipajga mo‘ljallangan. Uning 7 ta palubasida katta atrium, diskoteka, kinoteatr va Sikorky Black Hawk harbiy transport vertolyoti uchun mo‘ljallangan vertolyot maydonchasi mavjud. Yaxtaning maksimal tezligi — 26 km/s.
4. Blue — 160,6 m
Yaxta zamonaviy dizayn va an’anaviy interyerga ega bo‘lib, uni dizayner Terens Disdeyl ishlab chiqqan. Yaxta ichkarisida VIP, ko‘ngilochar va sog‘lomlashtirish palubalariga bo‘lingan bo‘lib, tepasida keng ko‘p qavatli uylar joylashgan.
5. Dilbar — 156 m
2016-yilda qurilgan Dilbar Lürssen uchun muhim loyiha bo‘lib, ichki hajmining kattaligi bo‘yicha yetakchilik qiladi. Dilbar bortida ikkita vertolyot maydonchasi va 25 metrli basseyn — dunyodagi eng uzun suzish havzasi mavjud. Winch Design ishlab chiqqan interyer sir saqlanadi. Yaxtani bezatishda esa “nodir va eksklyuziv hashamatli materiallar” ishlatilganligi ma’lum.
6. Al-Said — 155 m
Norvegiyaning mazkur ulkan superyaxtasi Espen Oino tomonidan eski Ummon sultoni Qobus bin Said al Said uchun ishlab chiqilgan. Bortda 200 nafar ekipaj aʼzosi va 70 nafar mehmonni sig‘dirishi va ular Conser Lounge yoki kinoteatrda hordiq chiqarishlari mumkin.
7. A+ — 147,2 m
A+ dunyodagi eng sirli superyaxta nomi bilan dong taratgan. Old palubada vertolyot maydonchasi va orqa tomonida suzish havzasi mavjud. Yaxta Dubay amirligi oilasi a’zosi va Manchester City futbol klubining vaqtinchalik xo‘jayini Shayx Mansur bin Zoid al Nahayonga tegishli.
8. Prince Abdulaziz — 147 m
Daniyaning Helsingor Vaerft kemasozlik zavodi bu yaxtani 1984-yilda Saudiya Arabistonining o‘sha paytdagi qiroli Fahdga yetkazib bergan. Yaxtaning o‘ziga xos xususiyati shundaki, palubasda masjid, shifoxona va kinoteatr joylashgan. Vestibyullari ham “Titanik”dagi vestibyul kabi ishlangan. Mashhur afsonaga ko‘ra, yaxta xavf tug‘ilganda dushman samolyotlarini qaytarish uchun “yer-havo” raketalarini olib yuradi.
9. Opera — 146,3 m
Opera’ning eng yangi superyaxtasi Disdale tomonidan ishlab chiqilgan va 2023-yil mart oyida Amirlik qirollik oilasi aʼzosi uchun ishga tushirilgan. Uning interyeri sir saqlanadi, ammo unda ikkita vertolyot maydonchasi, 10 metrli basseyn, ulkan kurort va kinoteatr borligi ma’lum.
10. OK — 146 m
Hozirda OK nomi bilan tanilgan kemaning avvalgi egasi 1982-yilda Yaponiyaning Super Servant 3 transport kemasini ko‘rganida, uni jahon darajasidagi ekspeditsiya yaxtasiga aylantirmoqchi bo‘ladi. Ta’mirlash ishlaridan so‘ng u tennis korti, yopiq basseyn va kinoteatrga ega bo‘lgan hashamatli suzuvchi orolga aylanadi. Yaxtadagi 20 o‘rinli kottej, basseyn va botanika bog‘i yosh dizayner Timur Bozki tomonidan loyihalashtirilgan.
Izoh (1)
Nice Blogs