AQSH Milliy xavfsizlik vazirligi (DHS) 14-yanvar kuni Xitoyning 37 ta kompaniyasini uyg‘urlarning majburiy mehnatidan foydalanadigan korxonalar ro‘yxatiga kiritilganini e’lon qildi.
2021-yilda AQSHda uyg‘urlarning majburiy mehnatidan foydalangan holda ishlab chiqarilgan mahsulotlardan foydalanishni taqiqlovchi qonun (Uyghur Forced Labor Prevention Act, UFLPA) qabul qilingan edi.
Bir qator inson huquqlarini himoya qiluvchi tashkilotlarning fikriga ko‘ra, Shinjon-Uyg‘ur avtonom rayoni (ShUAR) da Xitoy markaziy hukumati asosan islom diniga e’tiqod qiluvchi mahalliy aholi vakillarini ta’qib qilib kelmoqda. O‘shandan beri AQSH hukumati Xitoyning mazkur hududda majburiy mehnatdan foydalanuvchi hamda ushbu korxonalar mahsulotlarini Qo‘shma Shtatlarga import qilishni taqiqlovchi kompaniyalari ro‘yxatini yuritadi.
Bugun Xitoyning eng yirik to‘qimachilik ishlab chiqaruvchilaridan biri — Huafu Fashion hamda uning 25 ta bo‘linmasi ushbu qora ro‘yxatga kiritildi. Quyosh panellarining yirik ishlab chiqaruvchilari, jumladan Donghai JA Solar va Jiangsu Meike Solar ham ro‘yxatdan joy olgan. Bundan tashqari, sanksiyalar bir nechta akkumulyator batareyalari ishlab chiqaruvchilari va konchilik kompaniyalari ham qaratilgan. DHS bayonotiga ko‘ra, UFLPA qonuni ostida cheklov qo‘yilgan Xitoy kompaniyalarining umumiy soni 144 taga yetdi.
Izoh (0)