АҚШ Миллий хавфсизлик вазирлиги (DHS) 14 январь куни Хитойнинг 37 та компаниясини уйғурларнинг мажбурий меҳнатидан фойдаланадиган корхоналар рўйхатига киритилганини эълон қилди.
2021 йилда АҚШда уйғурларнинг мажбурий меҳнатидан фойдаланган ҳолда ишлаб чиқарилган маҳсулотлардан фойдаланишни тақиқловчи қонун (Uyghur Forced Labor Prevention Аct, UFLPA) қабул қилинган эди.
Бир қатор инсон ҳуқуқларини ҳимоя қилувчи ташкилотларнинг фикрига кўра, Шинжон-Уйғур автоном райони (ШУАР) да Хитой марказий ҳукумати асосан ислом динига эътиқод қилувчи маҳаллий аҳоли вакилларини таъқиб қилиб келмоқда. Ўшандан бери АҚШ ҳукумати Хитойнинг мазкур ҳудудда мажбурий меҳнатдан фойдаланувчи ҳамда ушбу корхоналар маҳсулотларини Қўшма Штатларга импорт қилишни тақиқловчи компаниялари рўйхатини юритади.
Бугун Хитойнинг энг йирик тўқимачилик ишлаб чиқарувчиларидан бири — Huafu Fashion ҳамда унинг 25 та бўлинмаси ушбу қора рўйхатга киритилди. Қуёш панелларининг йирик ишлаб чиқарувчилари, жумладан Donghai JA Solar ва Jiangsu Meike Solar ҳам рўйхатдан жой олган. Бундан ташқари, санкциялар бир нечта аккумулятор батареялари ишлаб чиқарувчилари ва кончилик компаниялари ҳам қаратилган. DHS баёнотига кўра, UFLPA қонуни остида чеклов қўйилган Хитой компанияларининг умумий сони 144 тага етди.
Изоҳ (0)