Yevropa Ittifoqi ishlab chiqarishda majburiy mehnat qo‘llangan mahsulotlarga taqiq joriy etishni rejalashtirmoqda. Bu haqda Financial Times xabar bermoqda.
Ittifoq mamlakatlari ishlab chiqarish, yig‘ish yoki qazib olishning istalgan bosqichida, shu jumladan, qayta ishlashda majburiy mehnat qo‘llangan mahsulotlarni taqiqlashni rejalashtirmoqda.
Hujjatda ta’kidlanishicha, taqiq ham mahalliy ishlab chiqarish, ham import qilinadigan mahsulotlarga tegishli bo‘ladi.
Bundan tashqari, cheklov kelib chiqishidan qat’iy nazar, har qanday turdagi mahsulotlarga, shuningdek, uning tarkibiy qismlariga ham tatbiq etilishi rejalashtirilgan.
Taqiq kelgusi yilda yo‘lga qo‘yilishi kutilmoqda. Bunda Yevropa Ittifoqiga a’zo 27 ta davlat kompaniyalar va boshqa tashkilotlarning shikoyatlarini aniqlash va ijro etishga mas’ul bo‘ladi.
Sentabr oyi boshida BMTning Inson huquqlari bo‘yicha oliy komissari Xitoy hukumati Shinjondagi uyg‘urlar va boshqa musulmon etnik ozchiliklarga nisbatan “jiddiy inson huquqlari buzilishi”ga yo‘l qo‘yganini aytgan edi.
Xitoy dunyodagi eng yirik paxta ishlab chiqaruvchilardan biri va quyosh panellari uchun asosiy materiallar yetkazib beruvchi Shinjonda inson huquqlarini suiiste’mol qilayotganini rad etdi.
Izoh (0)