Turli janjal, mojarolarga aralashish yoki nomaqbul xatti-harakatlar qilish orqali eng mashhur va hurmatga sazovor aktyorlarning ham karyerasiga nuqta qo‘yishi mumkin. Quyida turli sabablar tufayli Gollivudning “qora ro‘yxati”ga tushgan san’atkorlar haqida ma’lumot beramiz.
Vanessa Markes
1990-yillarda Vanessa Markes mashhur “Tez yordam” serialida hamshira Vendi Goldman rolini ijro etgan. Uning so‘zlariga ko‘ra, ushbu serialni suratga olish jarayonida yuz bergan tajovuzlar haqida ochiq gapirganidan so‘ng, aktyor Jorj Kluni uning Gollivuddagi karyerasi buzilib ketishiga sababchi bo‘lgan. Biroq Kluni bu ayblovlarni keskin rad etgan:
“Men bu loyihada shunchaki aktyorlardan biri edim va faqatgina aktyor bo‘lib ishladim. Uning karyerasiga salbiy ta’sir qilganim haqidagi gaplarning bari yolg‘on. Men sanoatda bunday katta ta’sirga ega odam emasman va hech qachon bunday qilmaganman” deya raddiya bildirgan edi aktyor.
Serialdagi roli tugagach, Vanessa faqat kichik loyihalarga taklif qilindi. 2018-yil avgust oyida u politsiyachi tomonidan otilgan o‘q tufayli tasodifan o‘z uyida fojiali ravishda vafot etdi.
Mel Gibson
2006-yilda Mel Gibson mast holda mashina boshqargani uchun qo‘lga olinganda aytgan antisemitik so‘zlari sabab obro‘yiga putur yetdi. Ushbu voqeadan so‘ng, u Gollivudda persona non grata odamga aylandi.
2006-yildan 2010-yilgacha Gibson faqat bitta film — “Zulmat chegarasi”da rol o‘ynadi. 2010-yilda esa sobiq hamkori Oksana Grigoryevaga tahdid qilgani sababli yana bir mojaro markazida qoldi. Shu sababli William Morris Endeavor Entertainment nomli iste’dodlarni qo‘llab-quvvatlash agentligi u bilan shartnomani bekor qildi. Bu voqea uning kino sanoatidagi imkoniyatlarini keskin kamaytirib yubordi.
Ammo so‘nggi yillarda Gibson karyerasini tiklashga muvaffaq bo‘ldi. Uning “Vijdonan” nomli rejissyorlik ishi tanqidchilar tomonidan yuqori baholandi va “Oskar” mukofotining oltita nominatsiyasini qo‘lga kiritdi. Bu yutuq uning Gollivuddagi obro‘sini tiklash yo‘lidagi muhim qadam bo‘ldi.
Mira Sorvino
Mira Sorvino Gollivudning qora ro‘yxatiga tushgan mashhur yulduzlardan biri. Bunga sabab uning kinoprodyuser Harvi Vaynshteynning jinsiy tajovuziga uchraganini aytishi va bunga qarshi bo‘lishi sabab bo‘ldi. Aktrisa jurnalist Ronan Ferrouga bergan intervyusida Vaynshteynga bir necha bor rad javobini bergani va Miramax kompaniyasining boshqa hamkasblariga uning xatti-harakatlari haqida ma’lum qilganini aytgan. Bu voqea, afsuski, uning karyerasiga salbiy ta’sir qilgan.
2017-yilda rejissyor Piter Jekson Vaynshteyn Sorvinoni obro‘sizlantirishga harakat qilganini tasdiqlagan. U Jeksonni aktrisa bilan ishlamaslikka ko‘ndirgan va shu tariqa Sorvinoning karyerasi tanazzulga uchragan.
Charli Shin
Charli Shin bir paytlar Gollivudning eng mashhur yulduzlaridan biri edi, ammo 2014-yildan keyin uning karyerasi jiddiy qiyinchiliklarga duch keldi. “G‘azabni boshqarish” loyihasida ishlagandan so‘ng, unga yangi ish topish qiyin bo‘lib qoldi. Aktyor hatto sudga murojaat qilib, sobiq rafiqalariga aliment miqdorini kamaytirishni so‘ragan. Chunki ko‘plab ko‘ngilochar sohalarda aktyorga eshiklar yopilgan edi.
Eshli Jadd
Eshli Jadd ham Vaynshteynning axloqsiz xulqidan aziyat chekkan aktrisalardan biridir. Piter Jeksonning aytishicha, Vaynshteyn uni “juda murakkab xarakterli va injiq aktrisa” deb ta’riflagan va Jadd bilan ishlash juda murakkab ekanligi haqida boshqa rejissyorlarga uqtirgan. Shu sababli aktrisa “Uzuklar hukmdori” trilogiyasida hech qanday rol berilmagan. 2018-yilda Jadd Vaynshteynni tuhmatda ayblab, uni sudga bergan.
Rouz Makgouen
“Sehrlanganlar” serialidagi roli bilan tanilgan Rouz Makgouen ham Vaynshteynning bosimi tufayli qora ro‘yxatga tushganini aytadi. Aktrisaning so‘zlariga ko‘ra, 1990-yillarda Vaynshteyn unga nisbatan jinsiy zo‘ravonlik qilgan. Ammo ular kelishib olishgan va sud ishi ochish o‘rniga 100 ming dollar kompensatsiya olishga aktrisa rozi bo‘lgan. Biroq bu voqea uning karyerasiga jiddiy zarba bergan.
Rouzni qayta Gollivudga qaytarishga rejissyor Robert Rodrigez harakat qilgan, ammo urinishlar muvaffaqiyatsiz bo‘lgan.
Ketrin Heygl
Ketrin Xeygl bir paytlar taniqli aktrisa bo‘lgan, ammo hozir uning karyerasi qoniqarsiz ahvolda. Uning suratga olish maydonchadagi xulq-atvori bunga sabab bo‘lgani haqida turli mish-mishlar mavjud. Ba’zi aktyorlar uning talablari haddan ortiq ko‘p bo‘lgani tufayli ko‘plab loyihalarda ishtirok etmayotganini ta’kidlaydi.
Izoh (0)