2024-yil boshida amerikalik aktyor Jim Kerri ekranlarga qaytdi, bunga uning hozirgi kundagi murakkab moliyaviy ahvoli sabab bo‘lgan edi. Kuni kecha esa 62 yoshli aktyor Los Anjelesdagi katta hovlisini sotgani ma’lum bo‘ldi.
Nomi oshkor etilmagan xaridor o‘tgan hafta Jimning Brentvuddagi xonadonini 19,8 million dollarga xarid qildi. Bu bir yil avval sotuvga qo‘yilgan mulkning dastlabki narxidan uch baravar kam.
Mazkur uyda Kerri 30 yil davomida yashab kelgan. 1994-yilda aktyor uyni 3,8 million dollarga xarid qilgan edi. Uyning maydoni 1180 kvadrat metrni tashkil etadi.
Xonadon shiftlari baland, eshiklari fransuz uslubIda, yashash xonalari keng bo‘lib, marmar haykallar bilan jihozlangan hashamatli hammom, uy kinoteatri, yorqin ovqatlanish joyi va oshxonadan iborat. Hovlida esa suzish havzasi, tennis korti, ko‘rkam bog‘ va dam olish uchun qulay maydonlar mavjud.
Hozirda Kerri barcha qiziqarli loyihalarga ochiq ekanligini bildirgan.
Izoh (0)