Yer yuzida hech kim tabiiy ofat va yoki to‘satdan yuz beradigan falokatlardan himoyalanmagan. Hatto taniqli yulduzlar ham o‘lim bilan yuzma-yuz bo‘lishiga to‘g‘ri kelgan paytlar ham bo‘ladi. Bugungi maqolada hayot uchun xavfli hodisalardan keyin omon qolgan mashhurlar haqida ma’lumot beramiz.
Sandra Bullok
2000-yilda Sandra Bullok samolyot falokatiga uchragan. U sobiq qallig‘i Bob Shnayder bilan birga Texasdan Vayomingga uchib ketayotgan bo‘lgan. O‘sha kuni kuchli qor va bo‘ron bo‘lgan, ammo ob-havo yomonligiga qaramay, uchuvchilar parvozni uddalay olishiga ishongan. Noqulay ob-havo tufayli qo‘nish vaqtida belgilangan manzildagi signal chiroqlari yoqilmagan. Natijada samolyot uchish-qo‘nish yo‘lagidan chiqib ketgan, shassini yo‘qotgan va qanoti yerga tiralib qolgan.
Oxir-oqibat samolyot qo‘nishga muvaffaq bo‘lgan, yo‘lovchilar va ekipaj a’zolaridan hech kim jabrlanmagan. Sandra Bullok o‘sha vaqtda dahshatga tushib qolgani va Xudodan faqatgina samolyot portlamasligini so‘raganini aytgan.
Harrison Ford
Fordning samolyotda uchishga bo‘lgan ishtiyoqi uning ko‘plab muxlislariga ma’lum. Aktyor bir necha marta halokat bilan tugashi bo‘lishi mumkin bo‘lgan aviafalokatlarda ishtirok etgan.
Birinchi voqea 1999-yilda sodir bo‘lgan. Harrison favqulodda qo‘nish mashqlarini bajarayotganda samolyot katta zarar ko‘rdi, biroq Ford yengil jarohatlar oldi. 2015-yilda esa Ford mingan samolyoti dvigateli ishdan chiqdi va Los-Anjelesdagi golf maydonchasiga favqulodda qo‘nishga majbur bo‘ldi. Bu safar aktyor og‘ir jarohatlar oldi: uning tos suyagi ezilgan, beli singan, boshi ham yorilgan edi. Fordning baxtiga maydonda golf o‘ynab yurgan ikki kishi shifokor bo‘lib chiqdi va ular tez yordam kelguniga qadar birinchi yordam ko‘rsatdi.
Ammo shunday hodisa ro‘y bersa ham, Harrisonning parvozga bo‘lgan ishtiyoqi susaymadi. 2017-yilda aktyor Boeing 747 samolyoti bilan to‘qnashuvdan arang qutulib qoldi, so‘ng AQSh aeroportida taksi yo‘liga adashib qo‘ndi. Ushbu voqea barcha yangilik kanallari va gazetalarda yoritildi.
Klint Istvud
1951-yilda Klint Istvud samolyot halokatidan omon qolgan. O‘sha yili u armiyaga xizmatga chaqirilgan va u yerda Istvud qutqaruvchi va suzish bo‘yicha trenerlikka o‘qidi. Kunlarning birida u dam olish kunlarini ota-onasi bilan Sietlda o‘tkazishga qaror qildi va Duglas AD bombardimon samolyotiga chiqdi. Samolyot bir o‘rindiqli bo‘lgani uchun Klint bomba yaqinida o‘tirishga majbur bo‘ldi.
Ammo parvoz paytida lyuk birda ochilib ketdi va aktyor yiqilib tushishiga oz qoldi. So‘ng eshikni yopishga ulgursa ham, Klint havo yetishmasligi sababli hushini yo‘qotdi, keyinroq esa samolyot yoqilg‘isi tugab qolgani uchun butunlay okeanga qulab tushdi. Istvud o‘ziga kelganida suvda esa va qahramon omon qolish uchun qirg‘oqqacha besh kilometr masofa suzishga majbur bo‘lgan.
Morgan Friman
2008-yilda suratga olish ishlaridan juda charchagan Morgan rulga o‘tirgan va uxlab qolgan. Uning ayoli ham aktyor bilan birga bo‘lgan. Ularning mashinasi trassadan uchib chiqib, bir necha marta ag‘darilgan va chuqurga qulagan.
Jabrlanganlarni olib chiqish uchun qutqaruv xizmatchilari mashinani qismlarga ajratishga majbur bo‘lgan. Morgan ham, uning sherigi ham og‘ir yaralangan. Ular bir necha kun kasalxonada yotib, so‘ng qolgan davolanish ishlari uyda davom etgan.
Keyt Uinslet
2011-yilda Keyt va uning oilasi bir vaqtning o‘zida bir nechta ofatlarga duch kelgan. Karib dengizi sohilida do‘stlari bilan dam olayotganda, Uinslet va uning sheriklari bo‘ron va momaqaldiroq ostida qoldi. Shu sababli barcha mehmonlar uy-uylariga kirib ketdi. Biroq kutilmaganda binoga momaqaldiroq yashini urdi va yong‘in boshlandi, mehmonlarning ko‘pchiligi qo‘rqib, tashqariga qochib ketishdi. Ammo Keyt qolib, bino egasi va milliarder Richard Brensonga yordam berdi. Ular birgalikda uning 90 yoshli onasi va bolalarining hayotini saqlab qolishdi.
Natijada uy butunlay yonib ketdi, biroq hech kim jabrlanmadi. Aynan shu voqea tufayli Keyt u yerda bo‘lajak turmush o‘rtog'i, millioner Ned Roknroll bilan tanishgan.
Mayli Sayrus
2018-yilgi Kaliforniya o‘rmon yong‘inlari paytida ko‘plab uylar zarar ko‘rgan. Yong‘in shtatda so‘nggi 85 yil ichida sodir bo‘lgan eng dahshatli falokatlardan biri hisoblangan. Ushbu tabiiy ofat paytida Mayli Sayrus va Liam Hemsvortning uyi ham zarar ko‘rgan. Yulduzlarning o‘zlari bu voqeadan xafa bo‘lishsa-da, ularning yaqinlari va uy hayvonlari jabrlanmaganidan xursand bo‘lishgan.
Rouen Atkinson
Janob Bin roli bilan tanilgan aktyor 2011-yilda avtofalokatda vafot etishiga oz qolgan. Angliyaning Kembridjshir grafligidagi Piterboro shahrida aktyor McLaren F1 sport avtomobilida haddan tashqari yuqori tezlikda (taxminan 370 km/soat) haydagan, natijada Rouen boshqaruvni yo‘qotgan.
Mashina havoda uch marta aylangan, keyin daraxtga urilib, yonib ketgan. Ammo Atkinson deyarli jiddiy jarohat olmadi: u sport mashinasidan mustaqil tusha oldi va shifokorlar va politsiyani kutib turdi. Shifokorlarning so‘zlariga ko‘ra, bunday baxtsiz hodisada faqatgina bir nechta ko‘karishlar olish haqiqiy mo‘jizadir.
Izoh (0)