American Airlines авиакомпанияси барча рейсларида техник носозликлар ҳақида хабар берди. Бу ҳақда авиакомпаниянинг Х ижтимоий тармоғидаги маълум қилинган.
“Биз ҳозирда American Airlines авиакомпаниясининг барча рейсларида техник муаммога дуч келяпмиз”, дейилади компания хабарида.
Кўпгина ижтимоий тармоқ фойдаланувчилари American Airlines рейслари номаълум муддатга кечиктирилганини таъкидлашмоқда.
Компания техник носозлик нимадан иборат экани ва унга нима сабаб бўлгани ҳақида изоҳ бермаган.
Кеча 23 декабрь куни Бразилияда хусусий самолёт аҳоли яшайдиган ҳудудга қулаб тушгани хабар қилинганди.
Маълум қилинишича, ҳаво кемаси Сан-Паулу шаҳарга йўл олган. Самолётда тўққиз киши бўлган. Самолёт мебел дўконига қулаб тушган. Маҳаллий ҳокимият маълумотларига кўра, воқеа жойида бўлган 14 киши жароҳат олиб, касалхонага ётқизилган.
25 ноябрь куни DHL компаниясининг юк ташувчи самолёти Вильнюс аэропорти яқинида ҳалокатга учраганди. У икки қаватли турар жой биноси ёнига қулаб тушганди. Ёнғин юз бериши оқибатида 12 киши эвакуация қилинганди.
Самолёт бортида тўрт киши — икки учувчи ва икки экипаж аъзоси бўлган. Уларнинг икки нафари жароҳатланган, бири ҳалок бўлган.
Изоҳ (0)