AQSH Federal qidiruv byurosi (FQB) Texas shtatida yashovchi Anas Saidning hibsga olingani haqida xabar berdi.
U o‘z uyini ISHID a’zolariga boshpana qilib berganlikda va teraktga tayyorgarlik ko‘rganlikda ayblanmoqda.
Federal qidiruv byurosi hisobotida ta’kidlanganidek, Anas Said 8-noyabr kuni hibsga olingan. Uning uyi va mashinasida tintuvlar o‘tkazilgan, huquq-tartibot idoralari xodimlari uning telefonini ham ko‘zdan kechirgan. Associated Pressning (AP) xabar berishicha, sud bugun, 15-noyabr kuni boshlangan.
Sud hujjatlarida qayd etilishicha, Anas Said ISHID faoliyatini davom ettirishga chaqiruvchi videoroliklar tayyorlagan. Ularda u 2001-yil 11-sentyabrdagi teraktga o‘xshash teraktda ishtirok etmoqchi ekanini ham ta’kidlagan.
Prokurorlarning aytishicha, ayblanuvchi portlovchi moddalar yasashni va uyali telefonlarni masofaviy detonatorga aylantirishni o‘rgangan. U Hyuston shahrida terakt sodir etishni rejalashtirgan. Anas Said 20 yilgacha qamoq jazosi va 250 ming dollar jarimaga tortilishi mumkin.
APning aniqlik kiritishicha, Anas Said Livanda tug‘ilgan.
2011-yil 11-sentyabrdagi terakt
2001-yil 11-sentyabr kuni “Al-Qoida” terrorchilik guruhi jangarilari to‘rtta rejalashtirilgan yo‘lovchi samolyotini olib qochdi. Terrorchilar ulardan ikkitasini Jahon savdo tashkilotining osmono‘par egizak binolariga olib borib urgan. Yana bir samolyot Pentagon binosiga qulagan, to‘rtinchisi esa Pensilvaniyadagi dalaga qulagan.
Hujumlar oqibatida 2,9 ming kishi halok bo‘lgan. 11-sentyabrdagi terakt qurbonlar soni bo‘yicha tarixdagi eng yirik terakt hisoblanadi.
ISHID ekstremistik guruhi jahonning bir qator mamlakatlari va xalqaro tashkilotlar tomonidan “terrorchilik tashkiloti” deb topilgan.
Izoh (0)