Xitoy yirik yerusti harbiy kemasi uchun quruqlikdagi yadroviy reaktor prototipini yaratdi. Bu haqda Associated Press xabar berdi.
Nashrning qayd etishicha, bu Pekinning mamlakatdagi ilk yadroviy samolyot tashuvchi kemasini yaratishdagi aniq muvaffaqiyatidan dalolat beradi.
Kaliforniyadagi Midlberi xalqaro tadqiqotlar instituti mutaxassislari tomonidan olingan sun’iy yo‘ldosh tasvirlari tahliliga ko‘ra, samolyot tashuvchi reaktor prototipi janubi-g‘arbiy Sichuan provinsiyasi Leshan shahri tashqarisidagi tog‘li hududni o‘rganish chog‘ida aniqlangan. U yerda Xitoy qurolli plutoniy yoki tritiy ishlab chiqarish uchun reaktor qurayotgani taxmin qilingan.
Ayni vaqtda faqat ikkita davlat — AQSH va Fransiya atom aviatashuvchi kemalariga ega.
Xitoy harbiy-dengiz kuchlarida uchta an’anaviy dvigatelli samolyot tashuvchi kemalar mavjud. Avvalroq Xitoy rasmiylari to‘rtinchisini qurish ustida ish olib borilayotganini aytgan, biroq u qanday dvigatel bilan jihozlanishiga aniqlik kiritmagan.
Atom samolyot tashuvchilarni qurish ko‘proq vaqt talab etadi. Biroq ular dengizda uzoqroq turishi mumkin. Bu turdagi kemalar yonilg‘i quyishni talab qilmaydi hamda bortda yonilg‘i va maxsus aslahalar uchun ko‘proq joy mavjud.
Izoh (0)