2024- yil yanvar- noyabr oylarida respublikaning tashqi savdo aylanmasi 59,4 mlrd AQSH dollariga yetdi va 2023- yilning yanvar-noyabr oylariga nisbatan 2,1 mlrd AQSH dollariga yoki 3,6 foizga ko‘paydi. Bu haqida Statistika agentligi hisobotida ma’lum qilingan.
Tashqi savdo aylanmasida eksport hajmi 24223,0 mln AQSH dollariga (2023- yilning yanvarnoyabr oylariga nisbatan 4,4 foizga ko‘paydi) va import hajmi 35 145,8 mln AQSH dollariga (3,0 foizga ko‘paydi) yetdi. Hisobot davrida – 10922,8 mln AQSH dollari qiymatida manfiy tashqi savdobalansi qayd etildi.
Asosiy savdo hamkorlari
Ta’kidlash joizki, Qozog‘iston O‘zbekistonning eng yirik tashqi iqtisodiy hamkorlaridan biriga aylandi (Xitoy va Rossiyadan keyin). Bunga sabab quyidagilar bo‘lishi mumkin: umumiy chegaraning mavjudligi, MDHning erkin savdo hududida savdo qilishi hamda so‘nggi paytlarda o‘zaro iqtisodiy aloqalarning keskin erkinlashtirilishi.
O‘zbekiston Respublikasi jahonning 195 mamlakati bilan savdo aloqalarini amalga oshirib kelmoqda. Tashqi savdo aylanmasining nisbatan salmoqli hissasi XXRda (19,0 foiz), Rossiyada (18,0 foiz), Qozog‘istonda (6,5 foiz), Turkiyada (4,4 foiz) va Koreya Respublikasida (3,0 foiz) qayd etilgan.
2024-yil yanvar-noyabr oyida tashqi savdo aylanmasida MDH davlatlarining ulushi 35,4 foizni tashkil etib, tashqi savdo aylanmasidagi ulushi 2023 - yilning mos davriga nisbatan 3,0 foizga ko‘paydi.
O‘zbekiston bilan savdo qilayotgan mamlakatlar iqtisodiyoti o‘sishi mazkur mamlakatlar iste’molchilari tomonidan respublika eksportiga bo‘lgantalabning oshishiga olib kelishi mumkin.
MDHning erkin savdo hududida savdo qilish O‘zbekistonning umumiy tashqi savdo aylanmasigaijobiy tas’ir qilmoqda. O‘zbekistonning MDH mamlakatlari bilan tashqi savdo aylanmasi eng yuqori hajmlari Rossiya (50,8 foiz), Qozog‘iston (18,3 foiz) hamda Turkmaniston (5,1 foiz) davlatlari bilan qayd etildi.
2024- yil yanvar-noyabr oylarida tashqi savdo aylanmasida tovarlar va xizmatlar eksporti bo‘yicha asosiy hamkorlarimiz Rossiya, XXR, Qozog‘iston,
Turkiya, Afg‘oniston, Fransiya va Тojikiston kabi davlatlar bo‘lgan. Ularning umumiy еksportdagi ulushi 40,5 foizni tashkil etdi.
Izoh (0)