Irgash Daminov Vazirlar Mahkamasi huzuridagi Islom sivilizatsiyasi markazi direktorining ilmiy-tadqiqot ishlari bo‘yicha o‘rinbosari etib tayinlandi. Bu haqda O‘zA xabar berdi.
U tayinlovga qadar Prezident Administratsiyasi Jamoat va diniy tashkilotlar bilan hamkorlik masalalari bo‘yicha maslahatchi bo‘linmasi Din ishlari sho‘basi bosh konsultanti lavozimida ishlagan.
2024-yilning iyunida 2017-yildan O‘zbekiston islom sivilizatsiyasi markazi direktori Shoazim Minovarov lavozimidan ozod etilgan edi. Uning o‘rnini Kinematografiya agentligi direktori lavozimida ishlab kelgan Firdavs Abduxoliqov egallagandi.
3-4-iyul kunlari Toshkent shahrida “Buyuk ajdodlar merosi – III Renessans poydevori” mavzusida O‘zbekiston olimlari forumi bo‘lib o‘tgandi. Tadbir doirasida hozirda qurilishi davom etayotgan Islom sivilizatsiyasi markazi fondini boyitish bo‘yicha olimlar, muzey va kutubxona vakillari o‘rtasida muhokamalar tashkil etilgan edi.
Olimlar 9 ta yo‘nalish bo‘yicha muloqot qilgan.
Forumda O‘zbekistonning barcha hududlaridan kelgan 450 nafar olimlar o‘zaro fikr almashdilar. Fondimizni boyitish yuzasidan yaxshi takliflar berildi. Endi bu g‘oyalarni amalga oshirish ishlarini boshlaymiz. O‘zbekistondan buyuk insonlar yetishib chiqqan. Maqsadimiz ularning bebaho meroslarini o‘rganib, xalqimizga, ayniqsa yoshlarga yangicha uslublarda yetkazish, degan edi markaz rahbari.
Izoh (0)