Иргаш Даминов Вазирлар Маҳкамаси ҳузуридаги Ислом цивилизацияси маркази директорининг илмий-тадқиқот ишлари бўйича ўринбосари этиб тайинланди. Бу ҳақда ЎзА хабар берди.
У тайинловга қадар Президент Администрацияси Жамоат ва диний ташкилотлар билан ҳамкорлик масалалари бўйича маслаҳатчи бўлинмаси Дин ишлари шўбаси бош консултанти лавозимида ишлаган.
2024 йилнинг июнида 2017 йилдан Ўзбекистон ислом цивилизацияси маркази директори Шоазим Миноваров лавозимидан озод этилган эди. Унинг ўрнини Кинематография агентлиги директори лавозимида ишлаб келган Фирдавс Абдухолиқов эгаллаганди.
3-4 июль кунлари Тошкент шаҳрида “Буюк аждодлар мероси – III Ренессанс пойдевори” мавзусида Ўзбекистон олимлари форуми бўлиб ўтганди. Тадбир доирасида ҳозирда қурилиши давом этаётган Ислом цивилизацияси маркази фондини бойитиш бўйича олимлар, музей ва кутубхона вакиллари ўртасида муҳокамалар ташкил этилган эди.
Олимлар 9 та йўналиш бўйича мулоқот қилган.
Форумда Ўзбекистоннинг барча ҳудудларидан келган 450 нафар олимлар ўзаро фикр алмашдилар. Фондимизни бойитиш юзасидан яхши таклифлар берилди. Энди бу ғояларни амалга ошириш ишларини бошлаймиз. Ўзбекистондан буюк инсонлар етишиб чиққан. Мақсадимиз уларнинг бебаҳо меросларини ўрганиб, халқимизга, айниқса ёшларга янгича услубларда етказиш, деган эди марказ раҳбари.
Изоҳ (0)