Shuhrat Rizayev Kinematografiya agentligiga rahbar etib tayinlandi. Bu haqda Milliy kinematografiyani rivojlantirish markazi xabar qildi.
U 2017-yildan buyon agentlik direktori o‘rinbosari lavozimida faoliyat yuritib kelayotgandi.
Shuhrat Rizayev 1958-yilda Toshkent shahrida tug‘ilgan. O‘zbekiston Milliy universitetining filologiya fakultetini tugatgan. Madaniyat va sport ishlari vazirligida, Oybek muzeyida, Prezident devoni va Vazirlar Mahkamasida, Davlat va jamiyat qurilishi akademiyasida faoliyat yuritgan.
2017-yilda Shavkat Mirziyoyev farmoni asosida “Do‘stlik” ordeni bilan mukofotlangan. 2021-yilda esa “O‘zbekistonda xizmat ko‘rsatgan yoshlar murabbiysi” faxriy unvoniga sazovor bo‘lgan.
Kinematografiya agentligining avvalgi rahbari Firdavs Abduxoliqov Vazirlar Mahkamasi huzuridagi Islom sivilizatsiyasi markazi direktori etib tayinlandi. Markazga 2017-yil 17-iyuldan direktorlik qilib kelgan Shoazim Minovarov ushbu lavozimdan ozod qilindi.
Izoh (0)