Ukraina 2025-yil 1-yanvar kuni ertalab soat 7 da Rossiya gazining tranzitini to‘xtatadi, chunki 5 yillik shartnoma muddati tugaydi.
Bu haqda Ukraina bosh vaziri Denis Shmigal Oliy Radadagi chiqishi chog‘ida ma’lum qilgan.
Biz hammamiz yaxshi bilamizki, gaz tranziti bo‘yicha kelishuv 2025-yil 1-yanvarda tugaydi. Shartnoma yakunlanishi sababli ertalab soat 7 da tranzit to‘sib qo‘yiladi”, dedi u.
Shmigalning so‘zlariga ko‘ra, Ukraina gaz transport tarmog‘i orqali tranzitni qayta tiklash mumkin, faqat bitta sharti bor: bu Rossiya gazi bo‘lmasligi kerak.
Shmigal neft tranziti bo‘yicha ham aytib o‘tdi. Bosh vazirning so‘zlariga ko‘ra, Ukraina Yevropa energiya xartiyasiga muvofiq Rossiya neftining tranzitini davom ettirishga majbur.
Ukraina 2022-yil fevral oyida Rossiya bilan gaz va neft tranzitidan tashqari har qanday savdo operatsiyalarini taqiqlashni joriy qildi. “Naftogaz” va “Gazprom” o‘rtasidagi tranzit shartnomasi 2019-yil oxirida besh yil muddatga tuzilgandi.
Ukraina ommaviy axborot vositalarining yozishicha, joriy yilning noyabr oyida “Naftogaz” “Gazprom”dan dekabr oyida tranzit uchun taxminan 70 million dollar miqdoridagi so‘nggi transhni olgan.
Kecha 19-dekabr kuni Ukraina prezidenti Vladimir Zelenskiy hukumat Rossiyaga “ukrainlar qonidan qo‘shimcha milliardlab daromad olish imkonini bermasligini”, shuning uchun Rossiya gazining tranziti to‘xtatilishini ta’kidlagandi.
Uning qo‘shimcha qilishicha, Rossiyadan arzon narsa olishi mumkin bo‘lgan dunyodagi har qanday mamlakat “bir kun kelib Rossiyaga qaram bo‘ladi”.
Men Slovakiya bosh vaziri bilan suhbatlashdim va unga tushuntirdim: agar tranzit qilinadigan gaz Rossiya gazi bo‘lmasa, biz qarshi bo‘lmaymiz. Faqat aniq bilishimiz kerak. Biz aldanishni istamaymiz, ya’ni bu boshqa mamlakat bo‘lib, u Rossiyadan gaz olib, keyin o‘z gazini tranzit qilishi mumkin. Bu xuddi urushdan foyda ko‘rishni va Rossiyaga pul o‘tkazishni davom ettirishga o‘xshaydi, dedi Zelenskiy.
Izoh (0)