Kuni kecha Toshkentda “Olmaliq kon-metallurgiya kombinatida investitsiya loyihalarining ijrosi” mavzusiga bag‘ishlangan matbuot anjumani bo‘lib o‘tdi. “Olmaliq KMK” mas’ullari tomonidan “Yoshlik-1” konini o‘zlashtirish investitsiya loyihasi doirasida amalga oshirilayotgan ishlar ijrosi bo‘yicha ma’lumot berildi.
2030-yilga qadar kombinatni rivojlantirish konsepsiyasi tasdiqlanib, amalga oshirilishi, uning doirasida “Yoshlik-1” konini o‘zlashtirish va 3-Mis boyitish fabrikasini qurish ishlari jadal ketyotgani haqida axborot berildi.
“2012-2016-yillarda kombinat uchun 123 mln dollar sarflangan bo‘lsa, 2017-2024 yillarda bu mablag‘ 35 barobarga oshib, 4,5 mlrd dollarga yetgan. Natijada sanoat mahsulotlarini ishlab chiqarish hami 1,8 barobarga, mahalliylashtirish darajasi esa 7,7 barobarga oshgan.
Buning natijasida 2030-yilga borib OKMKda ishlab chiqarish quvvatlarini — misni 500 ming tonna, oltinni 50 tonna hamda kumush ishlab chiqarishni 270 tonnaga oshirish maqsad qilingan. Bugunga qadar 4 mlrd dollardan ortiq investitsiyalar o‘zlashtirildi. Bu yirik loyihani yakuniga yetkazish natijasida OKMKdagi ma’dan koni kattaligi bo‘yicha dunyoda eng yirik kon maqomiga ega bo‘ladi”, deydi kombinatning Investitsiya va kapital qurilish departamenti boshlig‘i o‘rinbosari Obidjon Jonsaidov
Shuningdek, matbuot anjumanida 4-Mis boyitish fabrikasi bo‘yicha ham ma’lumotlar taqdim etildi. Ushbu fabrikaning qurilishiga shu yilning 15-oktyabr kuni Shavkat Mirziyoyevning OKMKga tashrifi davomida start berilgandi.
-FqJfBLT--BcGSecId.jpg)
“2025-yilda 60 mln tonna quvvatga teng 3-Mis boyitish fabrikasi, 180 ming tonna quvvatga teng 6-son sulfat kislotasi sehi va mis boyitish fabrikasida to‘liq avtomatlashtirilgan yangi nasos-gidrosiklon uskunalari foydalanishga topshiriladi. Hozirda 4-Mis boyitish fabrikasi va yangi metallurgiya majmuasi qurilishi doirasida uskunalar yetkazib berish boshlanadi.
Yildan yilga rivojlangan mamlakatlarning yirik ishbilarmonlari OKMKga bildirayotgan qiziqishi natijasida kombinat mutaxassislari Yaponiya, Koreya, Germaniya, Finlandiya, Buyuk Britaniya, Singapur kabi davlatlarning investorlari bilan yangi innovvaysion loyihalar ustida ish olib bormoqda” deydi kombinatning “Yoshlik-1 konini o‘zlashtirish” investitsiyaviy loyihasini amalga oshirish bo‘yicha loyiha ofisi direktorining birinchi o‘rinbosari Aziz Murotov..
OKMK Axborot xizmati boshlig‘i Umida Qarshiboyeva fabrika va uning infratuzilmalari foydalanishga topshirilganidan so‘ng 3 mingdan ortiq ish o‘rinlari yaratilgani, fabrikada yiliga 60 mln tonna ma’dan qayta ishlanib, 800 ming tonnadan ortiq mis konsentrati ishlab chiqarilishi haqida ma’lumot berdi.
E’tiborga molik jihati, kelgusida ushbu fabrika ishlab chiqarish jarayonida yuqori texnologik, ekologik xavfsiz va tejamkor texnologiyalar qo‘llanilishi belgilangan bo‘lib, fabrikada zamonaviy texnologiyalar joriy etiladi.
Reklama huquqi asosida.
Izoh (1)
50 минг тонна олтин бўлмаса керак