Bolalar bilan poyezdda yoki samolyotda uzoq yo‘lga otlanish faqatgina quvonchli sarguzasht emas, balki e’tibor, sabr va tayyorgarlik talab qiladigan sinov hamdir. Ayniqsa, samolyotdagi parvoz vaqti bola uchun stress bo‘lishi mumkin: tor joy, notanish muhit va uzoq davom etuvchi parvoz hatto eng sokin bolani ham bezovta qilishi mumkin. Ammo umidsizlikka tushish kerak emas, quyida bolani chalg‘itish uchun oson va zavqli bo‘lgan mashg‘ulotga aylantirish mumkin.
1. Yangi o‘yinchoqlar
Safardan bir necha kun oldin bolaga notanish bo‘lgan kichik o‘yinchoqlarni sotib olish oddiy, lekin juda samarali usuldir. Bu kichik mashina, qo‘g‘irchoq, rangli kitobcha yoki boshqotirma bo‘lishi mumkin. Muhimi, bularni bola parvoz boshlanguncha ko‘rmasligi lozim.
2. So‘z o‘yinlari va viktorinalar
“Shaharlar”, “Tez aytish”, “So‘zni top” kabi boshqotirma o‘yinlar bolaning nutqini rivojlantiradi va vaqtni tez o‘tkazadi. Shuningdek, turli mavzularda (hayvonlar, o‘simliklar, mamlakatlar, tarix) savollar berib, kichik viktorina ham uyushtirish mumkin.
3. Kitob — eng yaxshi hamroh
Samolyotga chiqishdan avval qiziqarli hikoyalarga boy kitoblar yoki chiroyli suratli asarlarni tanlang. Bu bola bilan birga dam olish va vaqtni maroqli o‘tkazish imkonini beradi. Katta yoshdagi bolalarga ilmiy-ommabop yoki bolalar ensiklopediyalarini olib berish mumkin.
4. Improvizatsiya o‘yinlari
Yon atrofdagi narsalardan foydalangan holda o‘yinlar o‘ylab toping. Masalan, boshqa yo‘lovchilarga qarab, ular qaysi kasb egasi bo‘lishi mumkinligini taxmin qiling, yoki bu odamlar qayerga uchayotganini tasavvur qilib, kichik hikoyalar to‘qib ko‘ring. Bu bolada fantaziyani va kuzatuvchanlikni rivojlantiradi.
5. Ijodiy mashg‘ulotlar
Bo‘yoq olib chiqish noqulay bo‘lsa-da, rangli qalamlar va oddiy qog‘ozlardan samolyot yoki poyezdda bemalol foydalanish mumkin. Bunday mashg‘ulotlar nafaqat tezroq o‘tkazadi, balki boladagi tasviriy fikrlash qobiliyatini ham rivojlantiradi.
6. Audiokitoblar va podkastlar
Foto: The Day
Agar bola kitob o‘qishni yoqtirmasa, unda audioni tanlang. Qiziqarli ertak yoki sarguzashtli hikoyani tinglash bola tasavvurini ishga soladi, lug‘at boyligini kengaytiradi va unga yaxshi kayfiyat baxsh etadi. Sevimli hikoya va ertaklarni oldindan yuklab olishni unutmang.
7. Safar rejasini birga tuzing
Samolyotda bo‘lgan vaqtni safarni rejalashtirishga sarflang. Bola qayerlarni ko‘rishni istashini so‘rang, qiziqarli joylar ro‘yxatini birga tuzing. Bu bolaning sayohatga bo‘lgan ishtiyoqini oshiradi va unga mas’uliyat hissini singdiradi.
8. Multfilmli gadjetlar
Eng xavfsiz, ammo vaqtincha yechim bu planshetda oldindan yuklab olingan multfilmlar. Bola charchaganda yoki zerikkanida ulardan birini qo‘yib bering. Eng asosiysi — quloqchin va zaryadka qurilmasini unutmang.
9. Dam olish ham muhim
Agar sayohat tun vaqtida yoki uzoq davom etadigan bo‘lsa, bolaning uxlashi muhim. Charchagan bola odatda ko‘proq injiqlik qiladi. Uning sevimli yostiqchasi yoki yumshoq kiyimlarini olishni unutmang. Parvoz yoki qo‘nish paytida quloq og‘rig‘ining oldini olish uchun so‘rg‘ich yoki “butilka”dan foydalanish mumkin.
10. Sabr va mehribonlik
Oxirgi, ammo eng muhim maslahat: sabrli bo‘ling. Bola uchun sayohat stress olib keladi. Shuning uchun farzandingizni ko‘proq rag‘batlantiring, yaxshi xulqi uchun maqtang va kichik sovg‘alar, o‘yinlar bilan mukofotlab boring.
Izoh (0)