O‘zbekiston futbol assotsiatsiyasi Tartib-intizom qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi intizomiy ishlar ko‘rib chiqildi va qo‘mita qarori e’lon qilindi.
“Navbahor” — “So‘g‘diyona”
Superliga chempionatining 20-turi doirasidagi “Navbahor” — “So‘g‘diyona” uchrashuvi davomida “Navbahor” futbol klubi tomonidan “Superliga va Pro liga reglamenti”ning buzilganligi ya’ni “Navbahor” futbol klubining litsenziyaga ega bo‘lmagan va qaydnomaga kiritilmagan vakillari uchrashuv komissarining ogohlantirishiga qaramay texnik zona hududini tark etmaganlik holati qayd etilgan.
Tartib-intizom qo‘mitasi qaroriga ko‘ra, “Navbahor” futbol klubiga nisbatan jarima intizom chorasi qo‘llanildi.
“Dinamo” — “Navbahor”
Superliga chempionatining 14-turi doirasidagi “Dinamo” — “Navbahor” uchrashuvining 80-daqiqasida “Dinamo” futbol klubi tomonidan “Superliga va Pro liga reglamenti” buzilgani, ya’ni “Dinamo” muxlislari tomonidan maydon tomon yelim idishlar uloqtirilgani, futbol klubi tomonidan bu kabi holatni oldini olishga qaratilgan vazifalar bajarilmagani qayd etilgan.
Tartib-intizom qo‘mitasi qaroriga ko‘ra, “Dinamo” futbol klubining kelgusi birinchi uy uchrashuvida “Dinamo” stadionining 4-5-sektorlari, shuningdek VIP tribuna ostidagi o‘rindiqlarni vaqtincha yopish va mazkur sektorlar uchun chiptalarni savdoga chiqarmaslik borasida tegishli taqiq qo‘yildi.
Superliga chempionatining 14-turi doirasidagi “Dinamo” — “Navbahor” uchrashuvining 82-daqiqasida “Navbahor” futbol klubi futbolchisi Azimjon Ahmedov bosh hakam qaroriga nisbatan e’tiroz bildirib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Azimjon Ahmedovga (“Navbahor”) nisbatan jarima intizom chorasi qo‘llanildi.
“Nasaf” — “Surxon”
Superliga chempionatining 21-turi doirasidagi “Nasaf” — “Surxon” uchrashuvining 69-daqiqasida “Nasaf” futbol klubi futbolchisi Sherzod Nasrullayev raqib o‘yinchisiga nisbatan to‘psiz vaziyatda tajovuzkor harakat qilgani uchun maydondan chetlashtirilgan.
Tartib-intizom qo‘mitasi qaroriga ko‘ra, Sherzod Nasrullayevga (“Nasaf”) nisbatan 2 ta o‘yinga chetlashtirish (diskvalifikatsiya) intizom chorasi qo‘llanildi.
“Qizilqum” — “Metallurg”
Superliga chempionatining 20-turi doirasidagi “Qizilqum” — “Metallurg” uchrashuvining 45+4-daqiqasida “Metallurg” futbol klubi murabbiyi Nozimjon Esanov zaxira hakami sha’niga haqoratli so‘zlar ishlatgani uchun maydondan chetlashtirilgan.
Tartib-intizom qo‘mitasi qaroriga ko‘ra, Nozimjon Esanovga (“Metallurg”) nisbatan 2 ta o‘yinga chetlashtirish (diskvalifikatsiya) va jarima intizom choralari qo‘llanildi.
“Dinamo” — “Surxon”
Superliga chempionatining 20-turi doirasidagi “Dinamo” — “Surxon” uchrashuvining 45-daqiqasida “Surxon” futbol klubi futbolchisi Doston Tursunov to‘p uchun kurashish vaqtida oyog‘ining tag qismi bilan raqib o‘yinchisining oyoq qismiga zarba bergani uchun maydondan chetlashtirilgan.
Tartib-intizom qo‘mitasi qaroriga ko‘ra, Doston Tursunovga (“Surxon”) nisbatan 3 ta o‘yinga chetlashtirish (diskvalifikatsiya) va jarima intizom choralari qo‘llanildi.
OKMK — “Lokomotiv”
Superliga chempionatining 20-turi doirasidagi “OKMK” — “Lokomotiv” uchrashuvining 90+5-daqiqasida OKMK futbol klubi futbolchisi Aziz Xolmurodov to‘p uchun kurashish vaqtida oyog‘ining tag qismi bilan raqib o‘yinchisining oyoq qismiga zarba bergani uchun maydondan chetlashtirilgan.
Tartib-intizom qo‘mitasi qaroriga ko‘ra, Aziz Xolmurodovga (“OKMK”) nisbatan 3 ta o‘yinga chetlashtirish (diskvalifikatsiya) va jarima intizom choralari qo‘llanildi.
Superliga chempionatining 20-turi doirasidagi “OKMK” — “Lokomotiv” uchrashuvi yakunlangandan so‘ng “Lokomotiv” futbol klubi sport direktori Ravshan Muqimov bosh hakam sha’niga haqoratli so‘zlar ishlatgan holati qayd etilgan.
Tartib-intizom qo‘mitasi qaroriga ko‘ra, Ravshan Muqimovga (“Lokomotiv”) nisbatan jarima intizom chorasi qo‘llanildi.
“Andijon” — “Neftchi”
Superliga chempionatining 20-turi doirasidagi “Andijon” — “Neftchi” uchrashuvining 76-daqiqasida “Neftchi” futbol klubi murabbiyi Lutfulla To‘rayev bosh hakam qaroriga nisbatan e’tiroz bildirib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Lutfulla To‘rayevga (“Neftchi”) nisbatan jarima intizom chorasi qo‘llanildi.
“Qizilqum” — “Metallurg”
Superliga chempionatining 20-turi doirasidagi “Qizilqum” — “Metallurg” uchrashuvining 90+4-daqiqasida “Qizilqum” futbol klubi futbolchisi Humoyunshoh Sayyotov o‘yin vaqtini atayin cho‘zib, sariq kartochka olgan holati qayd etilgan.
Tartib-intizom qo‘mitasi qaroriga ko‘ra, Humoyunshoh Sayyotovga (“Qizilqum”) nisbatan jarima intizom chorasi qo‘llanildi.
Izoh (0)