O‘zbekistonda may oyining uchinchi yakshanbasi kon va metallurgiya sanoati xodimlari kuni sifatida keng nishonlanadi. Olmaliq kon-metallurgiya kombinatida kasb bayrami arafasida Xitoy Xalq Respublikasining “Huigongi (Hebei) Machinery Group Co., Ltd.” kompaniyasi bilan hamkorlikda “HG-AMMC” MCHJ qo‘shma korxonasi qurilishiga start berildi.
-6kjU1p16.jpg)
Qo‘shma korxonaning qurilish ishlarini boshlash tadbirida Olmaliq kon-metallurgiya kombinati rahbariyati, “Huigong (Hebei) Machinery Group Co., Ltd.” kompaniyasi prezidenti va mutaxassislari hamda jamoatchilik vakillari ishtirok etdi.
-k-t-Q3K-.jpg)
Tadbirda ta’kidlanganidek, mazkur qo‘shma korxona 2024-yilning yanvar oyida prezident Shavkat Mirziyoyevning Xitoy Xalq Respublikasiga rasmiy tashrifi davomida erishgan kelishuvlar natijasi hisoblanadi.
Ohangaron tumanida joylashgan ushbu korxonada “Tog‘-kon mashinalari uchun ehtiyot qismlari ishlab chiqarish” loyihasi amalga oshiriladi.
Loyihaning qiymati 23 million dollar bo‘lib, mahsulot ishlab chiqarishning yillik hajmi 37,5 million dollarni tashkil etadi.
Hamkor kompaniya tomonidan tog‘-kon mashinalari uchun 282 dan ortiq ehtiyot qismlari ishlab chiqariladi. 150 ta yangi ish o‘rinlari yaratilib, loyiha O‘zbekiston sanoat sohasida yangi yutuqlarga erishishga va iqtisodiyotning o‘sishiga salmoqli hissa qo‘shadi, — deydi tadbirda so‘z olgan mas’ullar.
Marosimda OKMK rahbariyati, “Huigong (Hebei) Machinery Group Co., Ltd.” kompaniyasi prezidenti va nuroniylar ishtirokida ramziy lenta qirqilib, loyihaning qurilishiga rasman start berildi.
-YEhvnpyD.jpg)
Loyiha va kelgusidagi rejalar haqida gapirgan “Huigong (Hebei) Machinery Group Co., Ltd.” kompaniyasi prezidenti Sun Silin biznes qilish uchun nima uchun aynan O‘zbekistonni tanlaganiga ham izoh berdi.
-gn5xw2Fq.jpg)
Nimaga biz O‘zbekistonni tanladik, degan savolga javob beradigan bo‘lsam, eng avvalo, yurtingizda investorlar uchun keng imkoniyatlar yaratilgan. Shuningdek, O‘zbekiston va Xitoy davlatlari o‘rtasidagi o‘zaro manfaatlik hamkorlik aloqalarining yildan-yilga rivojlanib borayotganligi ham muhim ahamiyatga ega. Ayniqsa, O‘zbekiston Respublikasi prezidenti Shavkat Mirziyoyevning Xitoyga tashrifi har ikki tomon o‘rtasidagi aloqlarni yanada mustahkamladi. O‘zbekiston O‘rta Osiyoning markazida joylashganligi, qulay ishbilarmonlik muhiti yaratilganligi ham bizni qiziqtiradi. Ushbu loyiha hamkorligimizning birinchi navbati hisoblanib, bugun OKMK rahbariyati bilan yaqin istiqbolda amalga oshiradigan boshqa loyihalar bo‘yicha ham muzokaralar olib bordik. Bugun start berilgan loyiha o‘ylamanki, har ikki tomon uchun ham manfaatli bo‘ladi, — dedi u.
Reklama huquqi asosida.
Izoh (0)