O‘zbekistonning mis sanoatidan oladigan daromadi ayni paytda 2,5 milliard dollarni tashkil etadi. Bu haqda AOKAda bo‘lib o‘tgan brifingda “Olmaliq” KMK axborot xizmati rahbari Umida Qarshiboyeva ma’lum qildi.
Qayd etilishicha, so‘nggi 5 yilda OKMK mis ishlab chiqarish hajmini sezilarli darajada oshirishga erishgan. Xususan, 2017-yilda 109 885 tonna mis ishlab chiqarilgan bo‘lsa, hozirgi kunda kombinat 148,5 ming tonna mis ishlab chiqarmoqda.
“Yoshlik 1 konini o‘zlashtirish” investitsiya loyihasi to‘liq ishga tushirilgach, 2029-yilga kelib kombinat 400 ming tonna katodli mis, 50 tonna oltin, 270 tonna kumush ishlab chiqarishga erishadi.
Ma’lum qilinishicha, bugungi kunda ishlab chiqarilayotgan misning 60–70 foizi xomashyo sifatida xorij davlatlariga eksport qilinadi. O‘zbekistonning mis sanoatidan oladigan daromadi ayni paytda 2,5 milliard dollarni tashkil etadi. Agar 2029-yilga kelib mis ishlab chiqarishni 400 ming tonnagacha oshirishga erishilsa, bu ko‘rsatgichni 7-8 milliard AQSh dollariga yetkazish mumkinligi ta’kidlandi.
Shuningdek, prezidentning topshirig‘iga asosan mis sanoati klasterini tashkil etish ishlari boshlab yuborilgan.
Mavzuga doir:
- Shavkat Mirziyoyev Olmaliq kon-metallurgiya kombinatining 3-mis boyitish fabrikasi qurilish jarayonini ko‘zdan kechirdi
- Shavkat Mirziyoyev Olmaliqda yangi mis boyitish fabrikasi qurilishiga tamal toshini qo‘ydi
- “Olmaliq konlarida 5 ming tonna oltin hamda misning katta zaxirasi bor” — Shavkat Mirziyoyev
Izoh (0)