Olmaliq kon-metallurgiya kombinatining moliyaviy ko‘magi asosida Namangan viloyati Chodak qishlog‘ida yana bir tikuvchilik fabrikasi foydalanishga topshirildi.
“Olmaliq tikuvchilik fabrikasi” deb nomlangan mazkur korxonaning ochilish tadbirida Olmaliq kon-metallurgiya kombinati rahbariyati, Namangan viloyati, Pop tumani hokimligi masʼullari, nuroniylar va jamoatchilik vakillari ishtirok etishdi.
— Tadbirda so‘z olgan, Olmaliq kon-metallurgiya kombinati boshqaruvi raisi, senator Abdulla Hursanov yurtimizda xotin-qizlarning jamiyatda o‘z o‘rniga ega bo‘lishi uchun zarur ijtimoiy va iqtisodiy shart-sharoitlarni yaratish bo‘yicha amalga oshirilayotgan ishlarga hamohang tarzda Olmaliq kon-metallurgiya kombinati ham doimiy ravishda salmoqli hissa qo‘shib kelayotganini taʼkidladi. Va foydalanishga topshirilayotgan tikuvchilik fabrikasi chodaklik xotin-qizlar uchun xalqaro bayramga munosib sovg‘a bo‘lishini bildirdi.
Shuningdek tadbirda so‘z olgan Pop tumani Aʼzamjon Sultonov, Chodak kon boshqarmasi mehnat faxriylari, fabrika yosh xodimlari bu xayrli ishlarning barchasi Prezidentimiz tomonidan olib borilayotgan islohotlar natijasi ekanligini ta’kidlashdi.
Ramziy lenta qirqilib, fabrika rasman o‘z faoliyatini boshladi.
Kombinat xomiyligida “OKMK Chodak Tekstil” MCHJ bilan hamkorlikda ishga tushirilgan tikuvchilik fabrikasiga Yaponiya va Xitoy davlatlarining zamonaviy ilg‘or tikuvchilik dastgohlari keltirilgan.
Eʼtiborlisi, ushbu korxonada endilikda 520 nafar xotin-qizlar ish bilan taʼminlandi.
Fabrika asosan erkaklar va ayollarning jinsi shimlari kabi mahsulotlarni ishlab chiqaradi. Korxonaning ishlab chiqarish yillik quvvati 520 ming dona mahsulot bo‘lib, mahsulotlarning 50 foizi eksportga yo‘naltiriladi. Yana bir muhim jihat korxona mahsulotlariga hozirning o‘zida salkam 1-yilga yetadigan buyurtmalar kelib tushgan.
Tadbirda 8-mart — Xalqaro xotin-qizlar kuni munosabati bilan bir guruh fabrika ayollari esdalik sovg‘alari bilan rag‘batlantirildi.
Tadbir ishtirokchilari fabrika faoliyati bilan tanishishdi.
Nuroniy otaxonlar bu kabi ezgu amallar bardavom bo‘lishini tilab duo qilishdi.
Shuningdek, fabrika binosida qisqa muddatli o‘quv kurslari ham tashkil etilib, unda hududdagi yoshlar hozirda talab etiladigan kasblarga o‘qitiladi.
Maʼlumot uchun: 2021-yilda kombinat tasarrufida bo‘lgan yotoqxona binosida ham tikuvchilik fabrikasi tashkil etilib, 250 ta yangi ish o‘rni yaratilgan.
Bundan tashqari, 2022-yilda ham Chodak qishlog‘ida OKMK va “Ekvatorial Chodak” MCHJ hamkorligida tikuvchilik fabrikasi ishga tushirilgan bo‘lib, 250 nafar ayollar ish bilan taʼminlangan.
Reklama huquqi asosida.
Izoh (0)