Mamlakatga kelgan sayyohlar soni bir yilda 48,2 foizga o‘sdi. Bu haqda Statistika qo‘mitasi maʼlum qildi.
2025-yil yanvar–may oylarida O‘zbekistonga 4,2 million nafar chet el fuqarolari sayohat uchun kelgan. Bu ko‘rsatkich 2024-yil mos davridagiga qaraganda 1,4 million nafarga (48,2 foiz) ko‘p.
Respublikaga eng ko‘p sayyohlar Qirg‘izistondan tashrif buyurgan –1 280,1 ming nafar — 1,3 million nafar. Keyingi o‘rinlarni Tojikiston (993,7 ming nafar) va Qozog‘iston (889,6 ming nafar) vakillari band etgan. Qolgan davlatlardan kelgan sayyohlar soni quyidagicha:
- Rossiya – 334,3 ming nafar;
- Afg‘oniston – 199,2 ming nafar;
- Turkmaniston – 142,5 ming nafar;
- Turkiya – 65,8 ming nafar;
- Xitoy – 51,9 ming nafar;
- Hindiston – 28,5 ming nafar;
- Italiya – 17,4 ming nafar;
- Boshqa davlatlar – 201,1 ming nafar.
Taqqoslash uchun, 2023-yil yanvar–may oylarida O‘zbekistonga 2,6 million nafar sayoh kelgandi. Ular orasida eng ko‘pi Tojikiston (797,8 ming nafar) fuqarolari bo‘lgan. Keyingi o‘rinni qozog‘istonliklar (656,5 ming nafar) egallagan. Qirg‘iziston fuqarolari esa uchinchi o‘rinda (649,5 ming nafar) qayd etilgan. Yaʼni ikki yil ichida qo‘shni davlatdan O‘zbekistonga sayohat qiluvchilar soni ikki baravar ortgan. 2023-yilning dastlabki besh oyida respublikaga 9,6 ming nafar xitoylik sayyohlar kelgan. Ular soni ikki yilda qariyb besh baravardan ortiq o‘sgan.
Izoh (0)