2024- yil yakuniga yetib bormoqda ekan, ekranlarda namoyish etilgan eng yaxshi filmlarni sarhisob qilish va aniqlash vaqti ham keldi. Joriy yilda taqdim etilgan filmlar janri orasida sarguzasht filmlari alohida o‘rin egallagan.
“Qizil topshiriq”
Maxfiy ismi “Qizil” bo‘lgan Santa Klausni noma’lum shaxslar o‘g‘irlab ketishadi. Santaning yordamchisi Kallum Drift va ovchi Jek O’Melli bayramni qutqarib qolish vazifasini o‘z zimmalariga olishadi. Ular birgalikda Rojdestvoni saqlash uchun butun dunyo bo‘ylab sayohatni boshlaydi va kutilmagan hodisalarga boy qiziqarli va xavfli sarguzashtlarga duch keladi.
“Graf Monte-Kristo”
Aleksandr Dyumaning romaniga asoslangan qasos va qayta tug‘ilish haqidagi klassik filmda nohaq ayblanib, qamoqqa olingan Edmond Dantes qochishga muvaffaq bo‘ladi va adolat qaror topishiga bel bog‘laydi.
“Qirol Artur: qilich afsonasi”
Rejissyor Gay Richi kino ixlosmandlarini hayratda qoldirishda davom etmoqda. Uning yangi “Qirol Artur: qilich afsonasi” filmi ekshn, drama va fantaziyaning ajoyib namunasi bo‘lib, birinchi daqiqalardanoq ekranga odamni jalb qiladi.
Rejissyor klassik afsonani qayta gavdalantirib, unda Arturni Londinium ko‘chalarida tarbiya topgan ajoyib xarakter sifatida ko‘rsatadi. Bosh rolni aktyor Charli Hannem ijro etgan, Judi Lou esa Uoartigern obrazida namoyon bo‘lgan. Film nafaqat syujeti, balki vizual effektlari bilan ham e’tiborni tortadi.
“Dyuna: ikkinchi qism”
Filmda Pol Atrid va fremenlarning afsonaviy sayohati haqida hikoya qilinadi. Ular oilasini vayron qilganlardan qasos olish va galaktikani yovuz baron Harkonnendan qutqarish yo‘lidagi qo‘zg‘olonni davom ettiradi. Film keng ko‘lamli jangovar sahnalar, maxsus effektlar va qiziqarli syujet bilan hayratga soladi.
“Furioza: telba Maks yilnomalari”
“Telba Maks: g‘azab yo‘li” filmining prikveli. Postapokaliptik dunyoda harbiy rahbarga aylangan yosh Furioza haqida hikoya qilinadi. Film jangovar va sarguzasht janrida bo‘lib, kutilmagan syujet burilishlariga boy.
Izoh (0)