Deraza ortida yog‘ayotgan yomg‘ir — tushkunlikka tushish uchun sabab bo‘lolmaydi. Axir bu kino tomosha qilish uchun eng yaxshi mavsum.
“Yollanma qotil o‘yini”
Hatto eng jiddiy muammolar oldida ham taslim bo‘lmaslik lozim. Aks holda, undan ham dahshatlisi yuz berishi mumkin. Deyv Batista ijro etgan qahramon Jo aynan shunday vaziyatga tushib qoladi. Bedavo kasallikka chalinganidan xabar topgach, xavfli o‘yinga qo‘shiladi. Ammo shifokor xato qilganini aytgach, juda yomon vaziyatga tushib qoladi.
“Quzg‘un”
Film qahramoni ko‘p narsaga qodir: shedevr asarlar yaratish, odamlarni boshqarish va hatto o‘liklar olamidan qaytishga ham. Bill Skarsgard ijro etgan qahramon hamma narsasini yo‘qotadi. Lekin u qasos olish yoki sevgisi uchun tiriladi.
“Kaskadyorlar”
Odatda sahna ortidagi voqealar ekranlarda ko‘rsatilmaydi. Ammo “Kaskadyorlar” filmi bundan mustasno. Film davomida Rayan Gosling bilan birga kaskadyorning hayoti tasavvur qilganimizdan ham xavfliroq bo‘lishi mumkinligini anglab yetamiz.
“Dedpul va Rosomaxa”
Hyu Jekmanning eng mashhur qahramonlaridan biri Rosomaxa — superqahramonlik janridagi “Dedpul” filmining 3-qismida ham ishtirok etadi. Avvalgi filmlardagi kabi bosh rolni Rayan Reynolds ijro etadi. Ssenariy muallifi Rett Riz va Pol Vernik, rejissor Shon Levi.
“Furiosa: Telba Maks yilnomalari”
Kichkina Furiosani o‘g‘irlab ketishadi va bu vohaning mavjudligini isbotlash uchun beykerlar to‘dasining boshlig‘i Dementos oldiga olib kelishadi, u esa qizning ko‘z o‘ngida unga yordam bermoqchi bo‘lgan onasini shafqatsizlarcha o‘ldiradi.
Izoh (0)