2024- йил якунига етиб бормоқда экан, экранларда намойиш этилган энг яхши фильмларни сарҳисоб қилиш ва аниқлаш вақти ҳам келди. Жорий йилда тақдим этилган фильмлар жанри орасида саргузашт фильмлари алоҳида ўрин эгаллаган.
“Қизил топшириқ”
Махфий исми “Қизил” бўлган Санта Клаусни номаълум шахслар ўғирлаб кетишади. Сантанинг ёрдамчиси Каллум Дрифт ва овчи Жек ЎМелли байрамни қутқариб қолиш вазифасини ўз зиммаларига олишади. Улар биргаликда Рождествони сақлаш учун бутун дунё бўйлаб саёҳатни бошлайди ва кутилмаган ҳодисаларга бой қизиқарли ва хавфли саргузаштларга дуч келади.
“Граф Монте-Кристо”
Александр Дюманинг романига асосланган қасос ва қайта туғилиш ҳақидаги классик фильмда ноҳақ айбланиб, қамоққа олинган Эдмонд Дантес қочишга муваффақ бўлади ва адолат қарор топишига бел боғлайди.
“Қирол Артур: қилич афсонаси”
Режиссёр Гай Ричи кино ихлосмандларини ҳайратда қолдиришда давом этмоқда. Унинг янги “Қирол Артур: қилич афсонаси” фильми экшн, драма ва фантазиянинг ажойиб намунаси бўлиб, биринчи дақиқаларданоқ экранга одамни жалб қилади.
Режиссёр классик афсонани қайта гавдалантириб, унда Артурни Лондиниум кўчаларида тарбия топган ажойиб характер сифатида кўрсатади. Бош ролни актёр Чарли Ҳаннем ижро этган, Жуди Лоу эса Уоартигерн образида намоён бўлган. Фильм нафақат сюжети, балки визуал эффектлари билан ҳам эътиборни тортади.
“Дюна: иккинчи қисм”
Фильмда Пол Атрид ва фременларнинг афсонавий саёҳати ҳақида ҳикоя қилинади. Улар оиласини вайрон қилганлардан қасос олиш ва галактикани ёвуз барон Ҳарконнендан қутқариш йўлидаги қўзғолонни давом эттиради. Фильм кенг кўламли жанговар саҳналар, махсус эффектлар ва қизиқарли сюжет билан ҳайратга солади.
“Фуриоза: телба Макс йилномалари”
“Телба Макс: ғазаб йўли” фильмининг приквели. Постапокалиптик дунёда ҳарбий раҳбарга айланган ёш Фуриоза ҳақида ҳикоя қилинади. Фильм жанговар ва саргузашт жанрида бўлиб, кутилмаган сюжет бурилишларига бой.
Изоҳ (0)