Qonunchilik palatasining birinchi tashkiliy majlisi, palatada tuzilgan 10 ta qo‘mita, taqdirlangan artistlar, kuchga kirgan yangi qonunlar — “Daryo” nashri bugun, 18-noyabrda eʼlon qilingan O‘zbekistonning ijtimoiy-siyosiy hayotiga oid eʼtiborga molik xabarlarni bir joyga to‘pladi.
O‘zbekistonda yangi dizel poyezdi sinovdan o‘tkaziladi
Poyezd harakat vaqti 6 soatdan iborat bo‘lib, 592 kilometr masofani bosib o‘tadi. Poyezd Toshkent—Buxoro—Toshkent yo‘nalishida sinovdan o‘tgach, yaqin kunlarda yo‘lovchilarga foydalanish uchun topshiriladi.
Qashqadaryoda Isuzu qo‘ylar podasini urib yubordi
17-noyabr kuni soat 05:00 larda fuqaro A.S. boshqaruvida bo‘lgan Isuzu rusumli transport vositasi ikki shaxsga tegishli 95 bosh mayda shoxli mollarini urib yuborgan.
Oliy Majlis Qonunchilik palatasining birinchi tashkiliy majlisi bo‘lib o‘tdi
Unda Nuriddin Ismoilov Qonunchilik palatasi spikeri etib saylandi. Deputat Mavluda Xo‘jayeva spiker birinchi o‘rinbosari, deputat Rahimjon Hakimov spiker o‘rinbosari bo‘ldi. Shavkat Mirziyoyev majlisda nutq so‘zlab, Qonunchilik palatasiga deputat etib saylanganlarni tabrikladi va bu yilgi parlament saylovlarining eng muhim jihatlari haqida to‘xtalib o‘tdi.
Prezident partiyalar saylov kampaniyasi davomida ilgari surgan va xalq qo‘llab-quvvatlagan har bir taklif albatta ko‘rib chiqilishi va amalga oshirilishini taʼkidladi. Davlat rahbari Parlament faoliyatida yutuqlar bilan birga eʼtibordan chetda qolgan masalalar ham bo‘lganini qayd etib, ularning ayrimlariga to‘xtalib o‘tdi.
Quyi palatadagi 12 ta qo‘mita o‘rnida 10 ta yangilangan qo‘mita tashkil qilindi. Ularning 9 tasiga raislar saylandi.
Prezident parlamentda muxolifatni jonlantirish zarurligini aytdi. Qonunchilik palatasi huzurida Jamoaviy tashabbuslar bo‘yicha parlament komissiyasini tashkil etishni taklif qildi.
O‘zbekiston va Rossiyaning ikki nafar artisti “Do‘stlik” ordeni bilan mukofotlandi
Rossiya prezidenti Vladimir Putin farmoni bilan Farrux Zokirov va Sevara Nazarxon “Do‘stlik” ordeni bilan taqdirlandi. O‘zbekiston prezidenti farmoni bilan Rossiya xalq artisti, Moskva drama teatri badiiy rahbari, teatr va kino aktyori Sergey Bezrukov va Rossiya xalq artisti, balet artisti, rejissyor Andris Liyepa “Do‘stlik” ordeni bilan mukofotlandi.
Apellyatsiya instansiyasi Botir Qodirovni Sherali Jo‘rayevning o‘g‘li deb topdi
Birinchi instansiyaning qarori to‘liq o‘z kuchida qoldi.
O‘zbekistonda bo‘lishi nomaqbul deb topilgan chet elliklarga oid qonun kuchga kirdi
Bunday shaxslar ro‘yxatiga O‘zbekiston xalqi sha’ni, qadr-qimmatini, tarixini tahqirlovchi ommaviy chiqishlar qilganlar ham kiritiladi.
“O‘zbekiston Respublikasi Oliy Majlisining Inson huquqlari bo‘yicha vakili (ombudsman) to‘g‘risida”gi qonun ham kuchga kirdi
Unga ko‘ra, ombudsmanga fuqarolar shikoyati asosida tekshiruv o‘tkazish huquqi berildi. Ayni bir shaxs ombudsman lavozimiga surunkasiga ikki muddatdan ortiq saylanishi mumkin emasligi belgilandi.
Qarindoshlari bilan birga ishlashi mumkin bo‘lgan davlat tashkilotlari xodimlari ro‘yxati tasdiqlandi
Vazirlar Mahkamasi bilan tasdiqlangan qarorda ro‘yxatdan 17 ta davlat tashkiloti xodimlari o‘rin oldi.
Prezident Andijondagi qo‘shimcha imkoniyatlarni ishga solish bo‘yicha takliflarni ko‘rib chiqdi
 — копия-g9yJgr6v.jpg)
Davlat rahbari viloyat hokimi takliflarini ma’qullab, yangi imkoniyatlardan samarali foydalanish, loyihalarni zamonaviy infratuzilma bilan ta’minlash, aholining bandligini va daromadlarini oshirish bo‘yicha qo‘shimcha ko‘rsatmalar berdi.
Izoh (0)