Xitoyning markaziy qismidagi Xunan provinsiyasida katta oltin konlari topildi, deya xabar bermoqda Sinxua agentligi geologiya byurosiga tayanib.
Geologlar Pingjiang okrugidagi Vangu konida 2 km chuqurlikda 40 dan ortiq oltin saqlovchi konlarni aniqladi. Ularning umumiy zahiralari 300 tonnani tashkil etadi, maksimal oltin miqdori 1 tonna ruda uchun 138 gramm.
3 km chuqurlikdagi zaxiralar 1 ming tonnadan ortiq. Ular 600 milliard yuanga (83 milliard dollar) baholanmoqda.
Konlarni qidirishda yangi texnologiyalar, jumladan, uch o‘lchovli modellashtirish qo‘llanilgan.
18-noyabr, dushanba kuni jahon bozorida oltin narxlari yana qimmatlashdi.
Oltin fyucherslari bir untsiya uchun 2769,50 dollardan sotilmoqda. Spot bozorda qimmatbaho metalning narxi untsiya uchun 2611,30 ni tashkil qiladi.
Yil boshidan buyon oltin narxi 23 foizga o‘sdi. Bunga bir necha sabablar bor.
Birinchidan, AQSH Federal zaxira tizimi asosiy foiz stavkasini pasaytira boshlashi mumkinligi haqidagi kutilmalar kuchaymoqda. Ikkinchidan, Yaqin Sharq va Ukrainadagi mojarolar oxiri ko‘rinmayapti. Uchinchidan, ko‘plab mamlakatlar markaziy banklari so‘nggi 5 yil davomida oltinni ishonchli himoya aktivlari sifatida shiddat bilan xarid qilmoqda.
AQSH Federal zaxira tizimi 15 oy davomida foiz stavkalarini 5,25-5,5 foiz darajasida ushlab turibdi. Bozorning asosiy ishtirokchilari 18-sentyabrdan boshlab AQSH foiz stavkasining 25 punktga pasayishini kutmoqda. An’anaga ko‘ra, stavkaning bunday pasayishi oltinning qimmatlashishi uchun barcha sharoitlarni yaratadi.
Bank of America mutaxassislari yaqin bir yarim yil ichida bir troya unsiya oltin narxi 3 ming dollargacha oshishini kutmoqda.
Izoh (0)