Rossiya rasmiylari “do‘st davlatlar” bilan dollar orqali tuzilgan tashqi savdo shartnomalarida narxlarni hisoblashdan voz kechib, hisob-kitoblar uchun muqobil ko‘rsatkichlardan foydalanishni rejalashtirmoqda. Bu haqda “RBK” xabar bermoqda.
Manbalarga ko‘ra, bozor oldida dollar orqali kross-kursdan doimiy ravishda xalos bo‘lishga imkon beradigan tizim yaratish bo‘yicha global vazifa turibdi.
Shuningdek, u hozirda bu tashabbus Markaziy bank va Rossiya Moliya vazirligi tomonidan banklar bilan birgalikda ishlab chiqilayotganini qo‘shimcha qildi.
Turli xil variantlar, jumladan, valyutalar savati varianti ko‘rib chiqilmoqda, dedi federal rasmiy.
Shuningdek, u neft va oltinga bog‘lanish “ekzotik” ekanligini va valyuta savati Rossiya tashqi savdo aylanmasi tarkibiga mos kelishi kerakligini qo‘shimcha qildi. Biroq savatga kiritilishi mumkin bo‘lgan valyutalar to‘plami hali aniq emas.
Hozirda tashqi savdo aylanmasining salmoqli qismi dollarda qolmoqda, biroq valyuta bozori alohida segmentlarga bo‘lindi — bu yerda valyuta sotuvchilari va xaridorlari bir-birlari bilan uchrashadi. Bu esa muammo. Aynan shu yerda valyuta bozorini shakllantirish konstruksiyalari paydo bo‘ladi, biz hozirda ular ustida ishlamoqdamiz, — dedi “RBK” suhbatdoshi.
Moliya bozoridagi manbaning qo‘shimcha qilishicha, milliy valyutalarni oltin yoki neftga ham bog‘lash mumkin, biroq neft bozoridagi baholar ham dollarga bog‘langanligi sababli, bu eng yaxshi variant hisoblanmaydi.
Federal amaldor esa nashrga dollarga yagona muqobil faqat yuan bo‘lishi mumkinligini aytdi.
Birinchidan, yuan erkin konvertatsiya qilinadigan valyuta emas. Ikkinchidan, undan foydalanish uchun Xitoyning roziligi kerak”, — deyiladi xabarda.
Avvalroq Rossiya va Xitoy energiya ta’minoti uchun milliy valyutalarda to‘lashga o‘tayotgani haqida xabar berilgandi.
Izoh (0)