Braziliya terma jamoasi hujumchisi Vinisius Junior JCH-2026 saralashi doirasida ketma-ket 7 o‘yindan beri gol urolmayapti.
20-noyabr kuni “pentakampeonlar” JCH-2026 saralashi doirasida Urugvay bilan (1:1) o‘yinda to‘liq harakat qildi. Biroq ushbu bahsda ham gol urish va golli uzatma bo‘yicha natija ko‘rsata olmadi.
Vinger terma jamoa safida barcha musobaqalar doirasida so‘nggi beshta o‘yinda umuman samarali harakat amalga oshira olmagan.
Jahon chempionati saralashida esa ko‘rsatkich 7 ta o‘yinni tashkil etmoqda.
Maʼlumot uchun, Vinisius Braziliya safida 37 ta o‘yinda qatnashib, 5 ta gol urgan.
“Real Madrid” hujumchisi avvalroq “Oltin to‘p” uchun kurashda Rodriga mag‘lub bo‘lgan edi.
Izoh (0)