Oltin narxi yana ko‘tarildi va mart oyidan beri birinchi marta oyni o‘sish bilan yakunladi
Oltin chorshanba, 30-noyabr kuni Xitoyda karantin cheklovlarini yumshatish signallari tufayli qimmatlashdi va mart oyidan beri birinchi marta oyni o‘sish bilan yakunladi. Bu haqda “Interfaks” xabar bermoqda.
Nyu-York tovar birjasida oltinning fevral fyucherslari narxi Toshkent vaqti bilan 21:50 ga kelib 0,2 foizga oshib, unsiya uchun 1767,8 dollarni tashkil qildi.
Noyabr oyida qimmatbaho metall deyarli 7 foizga qimmatlashdi, bu FactSet ma’lumotlariga ko‘ra, 2021-yil may oyidan beri eng sezilarli o‘sishidir.
Chorshanba kuni bozor ishtirokchilarining e’tibori Federal zaxira tizimi (FRS) raisi Jerom Pauellning Brukings institutida Toshkent vaqti bilan soat 23:30 ga rejalashtirilgan nutqiga qaratilgan.
Investorlar Pauell oltinni qo‘llab-quvvatlaydigan kurs o‘sishining sekinlashishi ehtimoli haqida ishora qiladi, deb umid qilmoqda.
Shuningdek, mart oyida yetkazib beriladigan kumush fyucherslari 2,1 foizga oshib, unsiyasi 21,89 dollarni tashkil qildi. Xuddi shu davr uchun mis fyucherslari ham 2,8 foizga oshib, bir funt uchun 3,74 dollarni tashkil qildi.
Mavzuga doir:
- O‘zbekiston tog‘laridagi bir tonna tuproqda qancha oltin bor?
- Xitoy anonim o‘yinchi, Turkiya yetakchi: O‘zbekiston oktabr oyida 8,7 tonna oltin sotib oldi
- O‘zbekistonning “xavfsizlik yostig‘i” ketma-ket to‘rtinchi oy kamaydi
